EChL finaliga befarq bo'lmagan inson juda kam menimcha. Hatto, futbolga u darajada qiziqmaydigan kishilar ham bugun barcha yumushlarini yig'ishtirib, yarim tunda - ko'hna qit'aning eng zo'r jamoasini aniqlaydigan uchrashuvni kutadi.
E'tiborli o'yin oldidan yurtimizning turli viloyatlarida istiqomat qiluvchi ishqibozlar fikri bilan tanishdik.
Abdumajid Qodirov, Qoraqalpog'istonning Xo'jayli tumanidan:
- Bizning tumanda Madridning «Real» klubi ishqibozlari juda ko'p. Barcha muxlislar mazkur o'yinni intizorlik bilan kutishyapti. E'tiboringzni bir jihatga qaratmoqchiman. 2013-2014 va 2014-2015 yilgi EChL o'yinlarining yarim finallarida qaysi jamoa “Bavariya”ni mag'lub etgan bo'lsa, o'sha klub kubokni qo'lga kiritgan ekan. Xulosa o'zingizdan. Shoir bo'lmasam ham to'rtlik yozib qo'ydim:
EChLda bugun final,
O'yin bo'lar “original”.
To'qnashadi derbida,
“Atletiko” va “Real”
Kuchlar tengdek ko'rinar,
O'yinchilar saradir.
Aniq aytolmas hech kim,
Shijoatli yutadir.
Ergash Samig'jonov, Toshkent
Meni fikrlarim qisqagina. Bugungi uyinning asosiy bo'limlarida “Atletiko” - “Real” bilan  2:2 o'ynaydi va qo'shimcha vaqtda “Atletiko” bitta gol kiritib, g'alabaga erishadi.
Zafarbek Jo'raev, Andijon
- Bugun fantastik o'yin bo'lishini kutayapman. “Atletiko”ga xurmatim baland, lekin bugun “Real” yutadi, deb o'ylayman. “Real”ning raqibidan ustun tomoni uning so'ngi bahslarda barqaror o'yin ko'rsatayotganida. Bilasizmi, shu onlarda ko'nglimda nima o'tayapti? Osiyoning nufuzli turnirlari finallarida bizning o'zbek futbolchilari ham muvaffaqiyatli ishtirok etib, boshlari uzra kubokni baland ko'tarishsin, degan niyatim bor. Bunday hayrli va quvonchli onlarni ko'rish barchamizga nasib etsin.
Ilhomjon Lolaev, Termiz
Bugun “San Siro” stadionida ko'xna qit'aning eng nufuzli turniri hisoblanadigan EChLning final uchrashuvi bulib o'tadi.
”Real” hujumkor futbol tarafdori hisoblanadi. Jamoa to'pni o'zida ushlab turishda ancha mahoratli. Qarshi hujumda bo'lsa tez fursat orasida raqib hududida paydo bo'ladi. Real shu kubok orqali mavsumni saqlab qolishi mumkin.
Uning raqibi “Atletiko” himoyaviy futbol buyicha barcha klublarga dars berishga qodirdir. Ular maydon bo'ylab kuchli pressingni qoyilmaqom tarzda bajarishadi. Zich himoya, kuchli pressing ostida ajoyib jamoaviy uyin shakllangan.
Bu uchrashuvda imkoniyatlar teng. Ikki klubni xam maksadi ushbu kubokni yutishdir. Finalchilardan hujumkor futbol kutib qolamiz. Zero, muxlislar hujumkor futbol tarafdorlaridir. Ularga natija uchun vaqt cho'zadigan klublarni o'yinlari emas, balki muxlislarni uchrashuv davomida his-hayajonda ushlab turadigan bahs kerak. Bu sovrinni kim qo'lga kiritishini esa yakin vaqtlar ichida bilib olamiz.
Alisher Mashrapov, Farg'ona
“Real” muxlisi sifatida shuni aytishim mumkinki, bugun “Atletiko” g'oliblikka haqliroq. Simeone jamoaga olib kirgan ruhiy ustunlik o'z natijasini bermoqda. Qur'a ham “Atletiko”ga kuchli raqiblarni ro'baro' qildi. Shunga qaramay ular barchasini tor-mor etdilar. Elmurod ERMATOV, Xayrullo VASIEV
Andijon
— deya xabar beradi uff.uz nashri.