«Bavariya» boshqaruv qo'mitasi rahbari Karl Xaynts Rummenigge hujumchi Robert Levandovski sotilmasligini bildirdi. Biroz vaqt muqaddam Levandovskining agenti «Real» bilan muzokara olib borilayotganini aytgan edi.
-Levandovski kelasi mavsum ham «Bavariya»da o'ynaydi. Bunga hech kim shubha qilmasin. Biz Robertni sotmaymiz va uning uchun qancha pul taklif qilishlarining ham ahamiyati yo'q, - deydi mutasaddi.
Eslatib o'tamiz, yakuniga etgan mavsumda Levandovski Germaniya chempionatida 32 o'yinda maydonga tushib, 30 ta gol urgan va 2 ta golli uzatmani amalga oshirgan.
— deya xabar beradi uff.uz nashri.