Mavsum tugashigacha chidab, oxir-oqibat “Manchester Yunayted” Joze Mourinoni boshqaruvga tayinladi. Quyida mazkur holat yuzasidan futbol mutaxassislarining fikrlari bilan tanishing.
Fil Nevill
«Manchester Yunayted» maksimal natija ko'rsatishi kerak bo'ladi. Mourino – isbotlangan g'olib. «Manchester Yunayted» muxlislari jamoasi chempionlik uchun qanday kurashib olib borishini ko'rishni xohlashadi, ular sevimli jamoasi mavsumni 5 yoki 7 o'rin bilan yakunlashini xohlashmaydilar. Mening o'ylashimcha, Mourino “MYu” da ko'pga qolmaydi, u 2-3 yil ishlaydi. 
Peter Shmeyxel
Mourino «Manchester Yunayted» ni boshqarishni har doim xohlagan, endi unda shunday imkoniyat bor. Jozeni jamoaning bosh murabbiyi etib tayinlash – rahbariyat uchun oddiy qaror emas, agar u kerakli odam bo'lganida uni oldinroq tayinlashgan bo'lar edi. U futbol direktori bilan, klub prezidenti bilan, jamoa vrachi bilan janjallashdi. U shunday ishlarni qildiki, buni “Manchester Yunayted” da xohlashmaydi. Ishonamanki, buning hammasi klubda tahlil qilingan. Aniqki, ser Aleks Fergyuson va ser Bobbi Charltonlar bilan fikrlashmasdan klub rahbarlari Mourinoni jamoa boshqaruviga tayinlashi mumkin emas. U klubga keldimi, demak, bu yaxshi tanlov. Endi klubda shunday inson, dunyoning mashhur murabbiyi bor, «Manchester Yunayted» ni qutqara oladigan. Bu qo'rqmasdan qilingan qaror, lekin xulosa chiqarishga hali erta. 
Karlo Anchelotti
Men bu ikki tomon uchun ham aql bovar qilmaydigan bir sarguzasht bo'ladi, deb o'ylayman. 
Mourino – dunyoning eng zo'r murabbiylaridan biri, unda Angliyada ishlash bo'yicha tajriba bor. «Manchester Yunayted» ga shunday mutaxassis kerak edi. Dunyoning ikkita eng zo'r murabbiyi Manchesterga yig'ildi. Ularning o'zaro qarama-qarshiligi hayajonli tomosha bo'ladi. Aslini olganda, van Gaal yomon ishlamadi, undan jamoani qayta tuzish talab etilar edi, bu esa oson emas. Lekin Mourino va «Yunayted» ning hamkorligi ikkala tomon uchun ham foydali bo'lishi mumkin. 
Erik Kantona
Menga Mourino yoqadi, futbol nuqtai nazaridan, chunki u o'zining nimaga qodirligini isbotlagan, lekin bu “Manchester”Yunayted” ga to'g'ri keladi degani emas. Men uni shaxs sifatida, uning o'yin paytidagi ehtiroslarini, uning hazilkashligini yaxshi ko'raman. U juda aqlli, u o'yinchilaridan maksimal jonkuyarlikni talab qiladi. Albatta, u sovrinlarni qo'lga kiritadi. Mening fikrimcha, uning uslubi «Manchester Yunayted» muxlislariga yoqmaydi, garchi jamoasi g'alaba qozonsa ham. «Yunayted» Gvardiolani olib kelishi kerak edi. Faqat u «Manchester Yunayted» ni o'zgartira olishi mumkin edi. To'g'ri, u hozir Manchesterda, lekin kerakli joyda emas. 
Bastian Shvaynshtayger
O'ylashimcha, “Manchester Yunayted” ning barcha o'yinchilari Mourino qo'l ostida o'ynashni istashadi, bizni muhim mavsum kutmoqda. Bizni van Gaal bilan munosabatlarimiz yaxshi edi. Aynan u meni “Bavariya” dan olib keldi va men undan minnatdorman. Hech qachon yomon gap gapirmayman, men uchun ko'p narsalarni qilgan inson haqida. Bizning o'zaro fikrlarimiz har doim ham mos kelmagan bo'lsada, lekin bundan munosabatlarimiz buzilmagan. Mavsum davomida jamoamiz jarohatlar epidemiyasiga duch keldi, biz yakunda sovrinli o'rinlardan birini egallashimiz mumkin edi. Ikki yil davomida jamoa chempionatda hech narsani yutmadi, lekin g'alabali nuqta – bu van Gaal uchun yoqimli yangilik.  Zlatan Ibragimovich
Menda Angliya, Italiya va boshqa davlatlardan aniq takliflar bor. Mening kelajagim aniq bo'lib ulgurdi, men qaror qabul qilib bo'ldim. Joze Mourino? Men u bilan birga ishlashni “Inter” dan ketgan birinchi kunidanoq sog'inishni boshlaganman. Bu «Manchester Yunayted» uchun yaxshi yurish. Agar senga ekshn kerak bo'lsa, unda Mourinoni taklif qilasan. Joze qaerda murabbiylik qilgan bo'lmasin, unga hamma joyda omad kulib boqqan, u shunday inson. Men uni hurmat qilaman, chunki u nimani xohlasa shuni gapiradi va u har doim haq bo'lib chiqadi. Albatta, unda juda ko'p bilim bor, lekin muhimi uning befarq emasligi. Mana shuning uchun futbolchilar u uchun o'lishga ham tayyor. Unga nisbatan e'tiborsiz bo'lish mumkin emas. Davomi ushbu havolada.
— deya xabar beradi uff.uz nashri.