O'tgan hafta kubok o'yinlariga navbat berildi va oliy liga biroz tin oldi. Natijada milliy chempio­natimizga doir ba'zi statistik ko'rsatkichlarni ko'rib chiqish imkoniyati yuzaga keldi. Bilasiz, oliy liga doirasidagi har bir o'yindan so'ng uning eng yaxshi futbolchilari PFL qaydnomasida alohida ko'rsatilmoqda. Ya'ni jamoalarning o'yindagi eng faol futbolchisini aniqlash rasmiy maqomga ega. Aytgancha, bu ishni aynan «InterFutbol» boshlab bergan va keyinchalik PFL ham amalga tatbiq etgandi. Xullas, bugun uchrashuvlarda o'z klubining eng yaxshi o'yinchisi bo'lgan (aniqrog'i, tegishli mutasaddi tomonidan shunday e'tirof etilgan) futbolchilarga e'tibor qaratamiz. Qani, ko'raylikchi, rasmiy qaydnomaga «Eng yaxshi» sifatida tushish etakchilikdan dalolatmi yoki muayyan bitta o'yindagi faollik samarasi xolos? Hozirgacha oliy liga-2016 taqvimidan o'rin olgan 9ta tur ortda qolganidan xabaringiz bor. Demakki, muxlislar jami 72ta o'yinga guvoh bo'lishdi. Ularda necha nafar futbolchi alohida e'tirof etildi? Qaysi jamoalarda yaqqol etakchi ajralib turibdi? Quyida oliy liga ishtirokchilariga birma-bir nigoh solib, shu masalalarga oydinlik kiritamiz. «LOKOMOTIV» Server Jeparov - 3 marta Temurxo'ja Abduxoliqov - 2 marta Sardor Mirzaev - 2 marta Islom To'xtaxo'jaev - 1 marta Marat Bikmaev - 1 marta «Temiryo'lchilar» tarkibida bosh yulduz maqomi bejiz xorijda ko'p rizq terib qaytgan Server Jeparovga tegishli emasligi amalda o'z tasdig'ini topmoqda. Terma jamoamiz vakili ayniqsa, oxirgi o'yinlarda faollikni oshirdiki, bu quvonarli hol. Axir «Loko»ni oldinda o'ta muhim o'yin kutib turibdi, qolaversa, terma jamoamiz ham tobora hal qiluvchi damlarga yaqinlashmoqda. Bas shunday ekan, salto ustasining sekin-asta barchasini o'z nazoratiga olayotgani ayni muddao. Shuningdek, Temurxo'ja Abduxoliqov asosan gollari hisobiga ikki marta eng yuqori baho olgan bo'lsa, Sardor Mirzaev tinim bilmasligi bilan ajralib turibdi va Samvel Babayan e'tiborini qozonishdan umidvor. Faqat, avvalgi mavsumlarda «Paxtakor»ni o'z ortidan ergashtirgan Kaxi Maxaradzening hali biror marta «Eng yaxshi» bo'lmagani biroz g'alati tuyulmoqda. Lekin gruziyalik yarim himoyachini hisobdan chiqarish yaramaydi. Xulosa shuki, hozircha etakchilik kutilganidek, Jeparov qo'lida. Harqalay, o'yinlar qaydnomasidagi maxsus bandga qarasak, shunday. «BUNYoDKOR» Eldor Shomurodov - 3 marta Bahodir Nasimov - 3 marta Sato Minori - 2 marta Akmal Shorahmedov - 1 marta OChLdan farqli o'laroq, milliy birinchilikda tekis parvozni uddalayotgan «qaldirg'ochlar» safida etakchilik roliga da'vogar yigitlar ko'p. Lekin ayni payt Eldor Shomurodov tashabbusga ega. U oxirgi 3ta o'yinda eng yuqori bahoga loyiq ko'rildi. E'tiborlisi, Eldor  5ta turdan buyon maydonni golsiz tark etmayapti va «Bunyodkor» ularning barchasini o'z foydasiga hal qildi - umumiy 16-2 hisobida. Shu 16ta goldan naq 6tasi Shomurodov nomiga yozildiki, bu ko'p narsadan dalolat beradi. Uning «Eng yaxshi» bo'yicha hozirgi asosiy raqobatchisi - Bahodir Nasimovga kelsak, hujumchi ilk turlardagi gollari tufayli 3 marta e'tirof etildi. Yaponiyalik Sato Minorini ham o'z joyida maqtash lozim - u maydon markazidagi faolligi evaziga 2ta o'yinda munosib baho oldi. Doimiy etakchiShokir Zuagi va umidli Doston Hamdamov esa hozircha bu borada jim... «NASAF» Erkin Boydullaev - 2 marta Sherzod A'zamov - 2 marta Bahrom Abdurahimov - 1 marta Ilhom Shomurodov - 1 marta Bobir Abduxoliqov - 1 marta Azamat Allaniyozov - 1 marta Artur Gevorkyan - 1 marta Qarshi jamoasida etakchi masalasi ochiq turibdi. Har holda, Artur Gevorkyan nisbatan sustlashgandek. To'g'ri, bu aldamchi taassurot bo'lishi ham mumkin. Qolaversa, turkmanistonlik legionerga mavsumning boshlang'ich qismida jarohatlar xalaqit berdi. Bu vaqtdaErkin Boydullaev va Sherzod A'zamov 2tadan o'yinda bosh rolga chiqishdi. Xullas, Gevorkyanni etakchi maqomidan mosuvo etishga hali erta. Mana, u 9-turda nihoyat, eng faol o'yinchi bo'ldi. To'g'ri, «Nasaf» bu uchrashuvni «Metallurg»ga boy berdi, ammo Arturning faolligi uning bosh rolga qaytayotganidan nishona bo'lsa, ajabmas. «METALLURG» Dilmurod Karimov - 3 marta Zohid Abdullaev - 2 marta Murod Toshmatov - 1 marta Ayubxon No''monov - 1 marta Hikmat Hoshimov - 1 marta Suhrob Sultonov - 1 marta Bekobod jamoasi o'yinlarida faollik ko'rsatgan futbolchilar turli amplua vakillaridir. Ular orasida yarim himoyachi Dilmurod Karimov peshqadam - 3 marta e'tirof. Aytish mumkinki, u markazdagi harakatlari o'laroq, yuqori baho olmoqda. Zohid Abdullaevesa asosan samaradorligi evaziga. Zero, hozirda 7ta gol bilan chempionat to'purarlari qatorida borayotgan hujumchi 2 marta aynan raqiblar darvozasiga yo'l topgan o'yinlarda «Eng yaxshi» bo'ldi. Xullas, Rustam Mirsodiqov jamoasida shu ikki futbolchi etakchi o'laroq bo'y ko'rsatmoqda. Davomi InterFUTBOL gazetasi blogida
— deya xabar beradi uff.uz nashri.