"Tottenxem" klubi sobiq bosh murabbiyi Xarri Rednapp Xosep Gvardiola haqida o'z fikrlari bilan o'rtoqlashdi. "Ot poygasida chavandozdan ko'ra ot muhimroq ekanini hamma tushunishi kerak. Futbolda ham muhimi bu - futbolchilar. "Manchester Siti"daka futbolchilarga ega bo'la turib, chempionlik uchun kurashmaslik g'irt ahmoqlik. Meni noto'g'ri tushunmanglar, menga Gvardiola yoqadi. U ajoyib murabbiy. Ammo agar u "Sanderlend" yoki "Uotford"ni boshqaradigan bo'lsa, ushbu jamoalar bilan mavsumni oltilikda yakunlay olmaydi. Bu jamoalarning tarkibi faqat Premer ligada qolish uchun kurashishga qodir. Ularni qaysi murabbiy boshqarishining farqi yo'q. Agar "Norvich"ga o'xshagan jamoalarni Gvardiola kelib boshqarsayam, uni Chempionlar ligasiga olib chiqa olmaydi", - deydi Rednapp.
— deya xabar beradi uff.uz nashri.