Yunon-rim kurashi bo'yicha XXXI yozgi Olimpiada o'yinlariga yo'llanma olgan O'zbekiston terma jamoasi a'zolari shu kunlarda Qrimda tashkil etilgan o'quv-mashg'ulot yig'inida ishtirok etishmoqda.
Qrimda tashkil etilgan yig'in 31 may kuni yakuniga etadi va shundan so'ng Komil Fatkulin boshchiligidagi terma jamoamiz a'zolari 2-14 iyun kunlari Toshkent viloyatining Dukent shaharchasida navbatdagi o'quv-mashg'ulot yig'inida ishtirok etadilar.
Ikkinchi bosqich yig'ini yakuniga etgach terma jamoamiz Polsha va Germaniyada o'tkaziladigan xalqaro turnirlarda qatnashadi. 10-25 iyul kunlari kurashchilarimiz Rossiyaning Anapa shahriga navbatdagi yig'inni o'tkazish uchun jam bo'ladilar.
So'nggi yig'inni yurtimizning so'lim go'shalaridan biri Kumushkonda tashkil etish rejalashtirilgan.
Shavkat Jalilov
O'zbekiston Milliy Olimpiya qo'mitasi
matbuot xizmati
— deya xabar beradi uff.uz nashri.