10-turni yakunlab bergan mazkur uchrashuvni qo'qonlik muxlislar sabrsizlik bilan kutishgandi desak mubolag'a bo'lmaydi. Buni bugun stadionga kelgan minglab muxlislardan ham bilsa bo'lardi. Sababi o'tgan yili “Lokomotiv” aynan Qo'qondagi bahsda yo'qotilgan ikki ochko tufayli chempionlikdan mahrum bo'lgandi. Shuning uchun o'yinning ahamiyati yuqori edi. Buni har ikki jamoa vakillari to'g'ri tushingan holda bahsni ehtiyotkorlik bilan boshlashdi.
12-daqiqada vakillarimizda hisobni ochish uchun qulay imkoiyat vujudga kelgandi. Maydon markazidan Aziz To'xtaboev katta tezlikda raqib darvozasi tomon yaqinlashib borayotgan Nosir Otaqo'zievga to'pni uzatdi. Nosir esa   raqiblarni chalqitgan holda Otabek Zokirovga zarba berish imkoniyatini yaratib berdi. Zokirovning zarbasi esa oxiriga etmay qoldi.
18-daqiqada mehmonlar hisobni ochishdi. Burchakdan oshirilgan to'pni Kaxi Maxaradze boshi bilan darvozaga aniq yo'lladi – 0:1.
32-daqiqada qanotdan oshirilgan to'pni Orif Mamajonov raqib darvozasiga aniq yo'llab hisobni tenglashtirdi. Ushbu gol jamoamiz sardori Aziz To'xtaboevning bugun tug'ilgan farzandiga bag'ishlandi.
Birinchi bo'lim shu hisobda intiho topdi.
Ikkinchi taymni vakillarimiz hujumkor ruhda boshlashdi. 47-daqiqada Abdullox Olimovning jarimadan tepgan kuchli zarbasini Nesterov katta qiyinchilik bilan bartaraf etdi.
55-daqiqda Sardor Mirzaev mehmonlarni yana oldinga olib chiqdi. Avvaliga Bikmaev tomonidan tepilgan to'pni Matniyazov qaytargandi. Posbonimizdan qaytgan to'pni esa zaxiradan maydonga tushgan Sardor Mirzaev davrozaga aniq yo'lladi – 1:2.
79-daqiqada vakillarimiz hisobni tenglashtirishlari mumkin edi. Ammo Otabek Haydarovning zarbasini Nesterov qiyinchilik bilan bartaraf etdi.
80-daqiqada himoyachilarimizning bir-birini tushunmay qolgani oqibatida Oleg Zoteev hisobni oshirdi – 1:3.
Mamlakat chempionligiga asosiy nomzod bo'lgan “Loko” bilan deyarli tengma-teng o'ynagan jamoamiz vakillari kichik xatolar evaziga navbatdagi mag'lubiyatni tan olishga majbur bo'lishdi.
“Qo'qon-1912”ning keyingi uchrashuvi Farg'onada – “Neftchi”ga qarshi bo'lib o'tadi. O'yin 10 iyun kuni o'tkaziladi.
Oliy liga, 10-tur
“Qo'qon-1912” – “Lokomotiv”  – 1:3 (1:1)
Gollar: Orif Mamajonov – 32. – Kaxi Maxaradze – 12, Sardor Mirzaev – 55, Oleg Zoteev – 80.
“Qo'qon-1912”: 1. Ruslan Matniyazov, 4. Mirjalol Qurbonov, 5. Jalil Kimsanov, 6. Bahodir Akramov,7.Otabek Zokirov,  9. Nosir Otaqo'ziev (15. Ma'ruf Zokirjonov-78), 17. Aziz To'xtaboev (25. Alisher Ziyavuddinov-32), 20. Doston Tursunov, 22. Orif Mamajonov (10. Otabek Haydarov-62), 24. Ilya Ilin, 28. Abdullox Olimov.
Zaxira: 16. Andrey Baklanov, 8. Nodir Qo'ziboev, 23. Furqat Hasanboev, 31. Oybek Nurboev.
“Lokomotiv”: 1. Ignatiy Nesterov, 5. Kaxi Maxarazde, 10. Marat Bikmaev (21. Doniyor Usmonov-62), 11. Temurxo'ja Abduxoliqov, 17. Salim Mustafoev, 18. Timur Kapadze, 22. Sanjar Shoahmedov, 28. Ikrom Aliboev (44. Sergey Proxorov-81), 33. Oleg Zoteev, 37. Sherzod Fayziev, 77. Jasur Hasanov (15. Sardor Mirzaev-46).
Zaxira: 12. Ma'mur Ikromov, 7. Sadriddin Abdullaev, 29. Quvondiq Ro'ziev, 70. Ivan Nagaev.
Hakamlar: Sh. Qosimov (Toshkent), N. Ro'zimov (Toshkent), O. Jumaev (Navoiy), D. Akmalov (Toshkent).
— deya xabar beradi uff.uz nashri.