Futbolimiz uchun xursandman, muxlislarimiz uchun, qolaversa, «Lokomotiv» uchun xursandman. Ha, OChL chorak finalisiz qolishga ortiq chidolmasdik. Shuni inobatga olganda, «temiryo'lchilar» katta ish bajarishdi. Ammo bu boshlanishi, xolos. Ko'ryapmizki, «Lokomotiv» o'yin bobida qit'amizning etakchi jamoalari bilan bemalol raqobatlashish salohiyatiga ega. To'g'ri, kimdir «Al-Hilol» maydonidagi ilk o'yinni nazarda tutib, fikrimga qarshi chiqishi mumkin. Lekin Toshkentda Saudiya jamoasi hech narsa qilolmadi-ku. Demak, safarda tashabbusni raqibga bergancha ehtiyotkorona o'ynash o'ylangan reja bo'lgan. Aytmoqchimanki, «Loko»dan finalga chiqishini kutishga asosimiz yo'q emas. Chorak final ishtirokchilariga qarab, shunday fikrga keldim. Misol uchun, bu yil «Guanjou Evergrand» ( u OFK miqyosida yaqqol kuchli) kurashdan chiqib ketishga ulgurdi. O'z o'rnida yana bir gap: «Lokomotiv»da pul ko'p, tarkibida yulduzlar etarli va hozirgi natijalari hech narsa emas» qabilidagi yondashuvlarga sira tushunmayman. Nima, Osiyoda boy jamoalar kammi yoki «Loko»ga raqiblik qilganlar kambag'al edimi? Davomi InterFUTBOL gazetasi blogida
— deya xabar beradi uff.uz nashri.