Madridning «Real» jamoasi yulduz futbolchilarni sotib olish bilan birga, o'zi ham ko'plab kuchli o'yinchilarini klubdan ketishiga yo'l qo'yib bergan. Quyida biz «Qirollik klubi»ni tark etib, turli jamoalar safida Evropa chempionlar ligasida g'olib chiqqan sobiq «Real»chilar haqida to'xtalib o'tamiz.
Xuan Mata
Hozirda «Manchester Yunayted» jamoasi sharafini himoya qilayotgan ushbu futbolchi 2003-2007 yillar davomida «Real»ning yoshlar va asosiy jamoalarida harakat qildi. 2007-yilda «Qirollik klubi»ni tark etib, «Valensiya» safiga qo'shildi. 2011-yil «Chelsi» tomonidan sotib olingan yarim himoyachi London jamoasi bilan 2012-yilda Evropa chempionlar ligasida g'alaba qozondi.
Valter Samuel
2004 yil «Roma»dan 25 million evro evaziga sotib olingan argentinalik futbolchi «Real»da o'zini ko'rsata olmadi va bir yildan so'ng «Inter» jamoasiga sotib yuborildi. Milan jamoasida ishonchli o'yin ko'rsatib, 2014 yilgacha harakat qildi. Shu davr mobaynida u «Inter»da ko'plab yutuqlarga erishdi. Xususan 2009-2010 yilgi mavsumda «neradzurri»lar tarkibida Evropa chempionlar ligasi bosh sovrinini qo'lga kiritdi.
Davomi Sports.Uz blogida.
— deya xabar beradi uff.uz nashri.