“Real” klubi hamda Uels terma jamoasi yarim himoyachisi Garet Beyl EChLdagi muvaffaqiyatdan so'ng Evro–2016 musobaqasida g'olib bo'lish istagi bor ekanini yashirmadi. “Chempionlar Ligasi g'olibligidan so'ng o'zimni ancha ishonchli his qilyapman. Evropa chempionatini intizorlik bilan kutmoqdaman. Klub safida har ikki uch kunda o'ynaymiz, Evro–2016 turnirida esa har 4-5 kunda. Bu normal holat. Termadagi jamoadoshlarimning barchasi tayyor ekaniga umid qilaman. Kim bilsin, balki bir oy davomida ikkita bosh sovringa ega bo'larman”, – dedi Beyl.
— deya xabar beradi uff.uz nashri.