Dortmundning "Borussiya" klubi yarim himoyachisi Genrix Mxitaryan jamoa bilan yangi shartnoma imzolashdan bosh tortdi. Bu haqida futbolchining agenti Mino Rayola ma'lum qilgan.
"Shartnoma o'zi 2017 yilga qadar tuzilgan bo'lsa, uni yangilashdan nima naf? Biz bu vaqt orasida kelajak haqida o'ylab olishimiz mumkin", - deydi Rayola.
Xabar qilinishicha, Mxitaryan faoliyatini "Arsenal" yoki "Chelsi"da davom ettirish niyatida. Shu bilan birga u "Borussiya"da shartnomasi oxiriga qadar o'ynaydi va erkin agent maqomida boshqa klubga o'tib ketadi.
Mxitaryan yakuniga etgan mavsumda Germaniya chempionatida 31 o'yinda 11 ta gol urgan va 18 ta golli uzatma bilan bundesliganing eng yaxshi o'yinchisi deb tan olingandi.
— deya xabar beradi uff.uz nashri.