"Barselona" klubi sobiq yarim himoyachisi Luish Figu Madridning "Real" klubiga o'tgani haqida yana bir bor fikr bildirdi.
"Men muxlislar nafratiga uchrashimni kutgan edim. OAVda yozilgan gaplar va ataylab muxlislar qalbiga yoqilgan olov katta provokatsiyaga aylanib ketgandi. Endi faqat Figu barchasida aybdor bo'lib, qolgan barcha oppoq bo'lib olgan.
O'shanda ruhiy jihatdan juda og'ir mavsum bo'lgan edi. Men bunday holatga tayyorligimni ham bilmaganman. "Barselona" prezidenti esa mavjud vaziyatga e'tibor qaratishni ham istamagan. U menga: "Pulni olib kel-da, ketaver", degandi. Men o'sha ishlar uchun aybdor va qurbonlarni qidirish niyatida emasman", - deydi Figu.
Eslatib o'tamiz, Figu 1995 yildan 2000 yilga qadar "Barselona" sharafini himoya qilgan va keyin 2000 yildan 2005 yilga qadar "Real" tarkibida o'ynagan edi.
— deya xabar beradi uff.uz nashri.