Braziliya terma jamoasining afsonaviy hujumchisi Pele zamonaviy futbol yulduzlari haqida fikrini bildirarkan, o'zidan kuchlisi chiqmaganini ta'kidlab o'tdi.
"Braziliyada dunyoning eng kuchli futbolchilari bor. Ammo muammo shundaki, ular xorijda to'p suradilar va yahlit jamoa shakllantirish qiyin bo'lmoqda. Braziliya futboli o'zgarmagan, ammo boshqa davlatlar kuchayishga erishgan.
Messi va Ronaldular Pele va Maradonaning darajasidami? Menimcha har bir davrning o'z kuchli futbolchilari bo'ladi. Bugungi kunda ular ikki nafar - Ronaldu va Messi. Messi - qat'iyat belgisi, o'z vaqtida men ham bo'yim kichikligidan aziyat chekkanman. Ronaldu esa ajoyib to'purar, men uning o'yinidan zavq olaman.
1970 yildagi Peledan kuchlirog'ini ko'rganmanmi? Nokamtarlik uchun kechirasiz, ammo bunday futbolchini men hali ko'rganim yo'q", - deydi Pele.
— deya xabar beradi uff.uz nashri.