“Qo'qon-1912” – “Lokomotiv”  uchrashuvi bilan 10-tur bahslariga yakun yasaldi. 10-turda muxlislar bir qator qiziqarli o'yinlarning guvohiga aylanishdi. Mamlakatimizning amaldagi chempioni “Paxtakor” bu safar o'z maydonida “Neftchi”ga yutqazib qo'ygan bo'lsa, “Nasaf” va “Bunyodkor” o'zaro Qarshi shahrida hisob-kitob qilishdi. Ushbu qarama-qarshilikda durang natija qayd etildi. Asosiy ta'qibchilarining ochko yo'qotishidan esa “Lokomotiv” unumli foydalandi. 10-tur uchrashuvlari yakunlangach, odatga ko'ra eng yaxshi o'yinchilar aniqlandi. Unga ko'ra, “Qo'qon-1912” – “Lokomotiv” uchrashuvining eng yaxshi o'yinchilari sifatida – Orif Mamajonov va Temur Kapadzelar tan olindi. Orif Mamajonov chindan ham ham ushbu bahsda a'lo darajada o'yin namoyish etdi.
 
Hakamlar hujjatidan. Oliy liga, 10-tur «Qo'qon-1912» (Qo'qon) – «Lokomotiv» (Toshkent) – 1:3 (1:1)
Qo'qon. 5100 tomoshabin.
Hakamlar: Sh. Qosimov (Toshkent) – 8,5, N. Ro'zimov (Toshkent) – 8,3, O. Jumaev (Navoiy) – 8,5, D. Akmalov (Toshkent) – 9
Nazoratchi: O. Dachev (Toshkent).
O'zPFL vakili: N. Lutfulin.
Gollar: O. Mamajonov (32) – K. Maxaradze (18), S. Mirzaev (55), O. Zoteev (78).
Ogohlantirishlar: M. Qurbonov (63) – M. Bikmaev (61), T. Abduxoliqov (90+1).
Eng yaxshi o'yinchilar: O. Mamajonov – T. Kapadze.
— deya xabar beradi uff.uz nashri.