Bugun Latviya poytaxti Riga shahrida engil atletika bo'yicha “Rīgas Kausi-2016” xalqaro turniri boshlanadi.
Mazkur musobaqada hamyurtlarimiz Bobur Shokirjonov va Yuliya Tarasova ham g'oliblik uchun kurash olib boradilar.
“Rio-2016” o'yinlarining yo'llanmasi uchun belgilangan me'yorni bajargan Bobur Shokirjonov nayza uloqtirish sektorida o'z imkoniyatini yana bir bor imtihondan o'tkazsa, tajribali sportchimiz Yuliya Tarasova uzunlikka sakrash musobaqasida Vatanimiz sharafini himoya qiladi.
Eslatib o'tamiz, Yuliya Tarasova shu yilning 28 may kuni Latviyaning Liepaya shahrida bo'lib o'tgan “Liepājas Kausi” xalqaro turnirida 6 m. 17 sm. natija bilan oltin medalga sazovor bo'lgan edi.
Shavkat Jalilov
O'zbekiston Milliy Olimpiya qo'mitasi
matbuot xizmati
— deya xabar beradi uff.uz nashri.