Angliya terma jamoasi va “Nyukasl” klubining sobiq hujumchisi Alan Shirer mamlakat terma jamoasi Roy Xojsonning Evro–2016 musobaqasiga yakuniy tarkibi borasidagi qaroriga o'z munosabatini bildirdi. Avvalroq Fabian Delf (“Manchester Siti”), Deniel Drinkuoter (“Lester”) va Andros Taunsend (“Nyukasl”) kabi futbolchilar Evropa chempionatiga bormasligi ma'lum bo'lgandi. “Menimcha, Drinkuoter Angliya termasining Evro-2016 yakuniy tarkibiga kiritilishi kerak edi. Deniel ajoyib mavsum o'tkazandi va endi uning hafsalasi pir bo'ladi. Angliya odatdagidek futbolchilarning jarangdor nomlariga qarab tanlov qildi, ularning sport formasiga esa e'tibor ham qilmadi”, – dedi Shirer. 
— deya xabar beradi uff.uz nashri.