“PSJ” jamoasi himoyachisi Gregori van der Vil o'z faoliyatini Ispaniyada davom ettirishi mumkin. Bu haqida Calciomercato xabar bermoqda. Kataloniyaliklar gollandiyalik himoyachini “Yuventus”ga o'tib ketishi kutilayotgan Dani Alves o'rniga o'rinbosar sifatida ko'rmoqda. Uning xizmatlariga “Roma”, “Monako” va “Vest Xem” klublari ham qiziqmoqda. Ta'kidlash kerakki, Gregori van der Vil 2012 yilda “PSJ”ga o'tishdan avval 10 yil “Ayaks” sharafini himoya qilgan. O'tgan mavsumda 28 yoshli himoyachi parijliklar safida 27 o'yinda maydonga tushib, 2 ta gol va 5 ta golli uzatmaga mualliflik qilgan. 
— deya xabar beradi uff.uz nashri.