O'zbekiston terma jamoasining JCh-2018 3-saralash bosqichidagi raqibi hisoblangan Suriya terma jamoasi o'rtoqlik uchrashuvida Vetnam terma jamoasiga mag'lub bo'ldi. Vetnamning Xanoi shahrida bo'lib o'tgan uchrashuvda Vetnam terma jamoasi birinchi bo'limda kiritilgan ikki gol evaziga 2:0 hisobida g'alaba qozondi. Mazkur o'yin Suriya terma jamoasi uchun saralash o'yinlaridan oldingi ilk o'rtoqlik uchrashuvi hisoblanadi. Avvalroq xabar berilganidek, Suriya terma jamoasining o'yinini kuzatish va o'rganish uchun O'zbekiston milliy terma jamoasi katta murabbiyi Ravshan Haydarov Vetnamda bo'ldi. Ta'kidlash lozim, ayni damda milliy terma jamoa murabbiylar shtabi saralash bosqichidagi har bir raqibning o'yinini o'rganib bormoqda va bu borada o'ziga xos  ishchi guruh ish olib bormoqda. Avvalroq xabar berilganidek, Suriya terma jamoasi shuningdek 3-5 iyun kunlari Tailandda bo'lib o'tadigan Qirol Kubogi musobaqasida ishtirok etadilar. O'rtoqlik uchrashuvi. 31 may. Xanoi, Vetnam. Vetnam – Suriya 2:0.
— deya xabar beradi uff.uz nashri.