Kievning "Dinamo" klubi sobiq hujumchisi Maksim Shatskix "Dinamo" va "Chelsi" o'rtasida kechgan EChL bahsi (0:0) haqida fikrlarini bildirdi.
"Chelsi" hozir u qadar kuchli emas, deydiganlarga qo'shilmayman. Ularning o'z chempionatidagi muammolari hech narsani anglatmaydi. Boz ustiga "Chelsi" hali hech narsa yo'qotgani yo'q.
Kievdagi o'yinga kelsak, londonliklar "Dinamo"dan qo'rqib o'ynadilar, shu sababli o'yin qiziqarli chiqmadi. Durang natija ko'proq "Chelsi"ni qanoatlantirar edi, ular o'z maydonlarida kechadigan o'yinda g'alaba qozonish umidida hujumga u qadar katta e'tibor qaratmadilar. Endi kievliklar Angliyada bo'ladigan o'yinda mag'lubiyatga uchramasliklari shart.
"Dinamo" himoyalanishni biladi, buning uchun o'z o'yinini namoyish qilishi kerak. Raqibning qanotlarini yopib qo'ya olishsa, muammo bo'lmaydi. Londonda "Chelsi" ko'proq hujum qilishga intiladi va bo'sh xududlar paydo bo'lishi turgan gap. Albatta "Chelsi" himoyani unutib qo'yadigan jamoa emas va qarshi hujumda uni ushlash qiyin. Ammo baribir "Dinamo"da gol urish uchun vaziyat albatta bo'ladi", - deydi Shatskix.
— deya xabar beradi uff.uz nashri.