Xabaringiz bor, Samvel Babayan bosh murabbiyligidagi O'zbekiston milliy terma jamoasi 30 may kunidan poytaxtimizda yig'in boshlagan edi. Dastavval reja qilinganidek Ekvatorial Gvineya hamda Kanadaga qarshi o'yinlarga hozirlik olib borila boshlangandi. Biroq kecha Afrika termasi bilan o'yin o'tkazilmasligi ma'lum bo'ldi. Shunday bo'lsa ham O'zbekiston milliy terma jamoasi mazkur yig'inni davom ettirmoqda. Zero hali oldinda 7 iyun kuni Kanada milliy terma jamoasiga qarshi o'rtoqlik uchrashuvi kutib turibdi. Shu o'rinda ta'kidlab o'tishimiz joizki, ertaga bosh jamoamiz o'yin o'tkazadi. Raqib esa Oliy Ligada to'p surayotgan xorijlik legioner futbolchilar bo'lishadi. Bugun terma jamoamiz mazkur o'yin oldidan mashg'ulot o'tkazdi. Mazkur jarayonni SPORTS.uz internet-portali ijodiy jamoasi doimgidek voqea joyidan kuzatdi. Quyida e'tiboringizga mashg'ulotning “qaynoq” vaziyatlari muxrlangan fotosuratlarni havola etamiz. Mashg'ulotni futbolchilar ancha ko'tarinki kayfiyatda o'tkazishganini qayd etib o'tish kerak. Zero kecha butun terma jamoa tarkibi Jizzaxga safar uyushtirdi va Sardor Rashidovning visol oqshomida mehmon bo'lishdi. Mashg'ulot jarayonini terma jamoa murabbiylar shtabi nazorat qilib bordi. Davomi quyidagi havolada 
— deya xabar beradi uff.uz nashri.