“Sevilya” jamoasi va hujumchi Xose Antonio Reyes o'zaro hamkorlikni to'xtatishdi. Bu haqda andalusiyaliklar matbuot xizmati ma'lum qilmoqda. Reyes “Sevilya” klubi tarbiyalanuvchisi hisoblanadi. U 2004 yilda “Arsenal”ga o'tib kelgandi. Keyin esa faoliyati davomida “Real”, “Atletiko” va “Benfika” klublarida to'p surgan. 2012 yilda u yana o'z klubi – “Sevilya”ga qaytib, qatorasiga uch mavsum davomida Evropa Ligasida zafar quchdi. Tajribali hujumchi o'z faoliyatini Turkiyaning “Galatasaroy” jamoasida davom ettirishi kutilmoqda. 
— deya xabar beradi uff.uz nashri.