"Lokomotiv" himoyachisi Vitaliy Denisov Evropa ligasi doirasida "Beshiktosh"ga qarshi kechgan uchrashuv haqidagi fikrlarini bildirib o'tdi.
"Bir futbolchi maydondan chetlatilmagunga qadar teng kurash ketayotgan edi. Tanaffusga qadar hech kim tavakkal qilishni istamadi, ikkinchi bo'limda esa jonliroq o'ynay boshladik va vaziyatlar paydo bo'ldi.
Ammo raqibning goli qandaydir g'alati chiqdi... Men o'sha vaziyatda qanday gol bo'lganini tushuna olmay qoldim ham. Qanday qilib to'p shuncha futbolchi orasidan o'tib, uzoq burchakdan joy olganiga tushunish qiyin. Menimcha darvozabon zarba berilgan vaziyatni ko'rmay qoldi shekilli.
Uchrashuv oxirida tezkorlik bilan yugurib, zarba berish uchun kuchni qaerdan oldim? Axir biz har kuni mashg'ulotlarda shug'ullanamiz-ku! O'yin oxirlarida esa bo'sh xudud paydo bo'lgan edi, men ham tezlik bilan uni bosib o'tib, zarba berdim", - deydi Denisov.
— deya xabar beradi uff.uz nashri.