Dortmundning "Borussiya" klubi yarim himoyachisi Ilkay Gyundogan "Manchester Siti"ga o'tdi. Bu haqida rasmiy ma'lumot berilgan.
Yigirma besh yoshli futbolchi "shaharliklar" bilan to'rt yillik shartnoma imzoladi. Biroz vaqt muqaddam Gyundoganning transfer narhi 26 million evro ekani xabar qilingan edi. Bu qiymat futbolchining qay darajada muvaffaqiyatli o'ynab ketishiga qarab 29 million evroga qadar ko'tarilishi mumkin.
Eslatib o'tamiz, yarim himoyachining jarohati bor va Gyundogan Evropa chempionatida ishtirok eta olmaydi. Boz ustiga u yangi mavsumning boshida ham maydonga tusha olmasligi mumkin.
— deya xabar beradi uff.uz nashri.