Bugun milliy terma jamoamiz xalqaro o'rtoqlik uchrashuvida maydonga tushishi kerak edi. Lekin, so'nggi pallada Ekvotarial Gvineya terma jamoasini Toshkentga kela olmasligi ma'lum bo'lgach, tezkor raqib topishni imkoni bo'lmadi. Shu sababli, terma jamoalar markazi milliy terma jamoamizga qarshi O'zbekiston chempionatida to'p surayotgan legionerlardan tashkil topgan jamoani maydonga tushishini ma'lum qildi.
Aynan shu sababli, “Navbahor” legionerlari Igor Golban, Vladislav Pavlenko va Oleksandr Pishurlar ham markaz tomonidan 1-3 iyun kunlari bo'ladigan yig'inga chaqirilishdi. Lekin, Golban va Pishurlar ushbu yig'inda qatnasha olishmaydi. Gap shundaki, chempionatda yuzaga kelgan kichik tanaffusdan foydalanib, ushbu futbolchilar Buxorodagi uchrashuvdan so'ng o'z yurtlariga jo'nab ketishgandi. Pavlenko esa Toshkentda qolgandi. Shu sababli, “Navbahor”dan faqatgina Vladislav Pavlenko maydonga tushishi mumkin.
— deya xabar beradi uff.uz nashri.