"Milan" bosh murabbiyi Sinisha Mixaylovich klubni boshqarib ketishiga ishonchi komil ekani, mabodo o'zi ham bu ishni uddalay olmagan taqdirda, jamoadan yomon ruhlarni quvadigan «ekzortsist»lar yordamiga murojaat qilish lozimligini aytib o'tdi.
"Biz muntazam ravishda ishlamoqdamiz va barqarorlik o'rnatish niyatidamiz. Barchasi yaxshi bo'lishiga ishonchim komil. Jamoaga ishonaman. Vaziyatdan foydalanib, Arrigo Sakki, Fabio Kapello va Karlo Anchelottiga rahmat aytmoqchiman, ular meni qo'llashlarini bildirdilar.
Men o'z ishimni yaxshi bilaman va ishlashda davom etmoqdaman. Agar men ham "Milan"ni boshqarishni uddalay olmasam, u holda ekzortsistlar yordamiga murojaat qilishga to'g'ri keladi", - deydi Mixaylovich.
— deya xabar beradi uff.uz nashri.