2016 yilgi Evropa chempionatiga tayyorgarlik ko'rayotgan Angliya hamda Portugaliya terma jamoalari o'zaro o'rtoqlik uchrashuvida orani ochiq qilib olishdi. Unda 1:0 hisobi qayd etilib, inglizlarning g'alabasi bilan yakunlandi. Birinchi bo'limning 35-daqiqasida Alvesh to'g'ridan-to'g'ri qizil kartochka bilan jazolanib, Portugaliya o'yin oxiriga qadar o'n kishi bo'lib qolgach, tashabbus Angliyaning qo'liga o'tdi. Shunday bo'lsada, uchrashuvning ko'p qismida darvozalar dahlsiz qoldi va faqat 86-daqiqaga kelib Kris Smolling raqib darvozasiga gol kiritishga muvaffaq bo'ldi – 1:0. Final hushtagiga qadar himoyaning goli bahsdagi yagona gol bo'lib qoldi. Shu tariqa, Angliya o'rtoqlik uchrashuvida Portugaliyani mag'lub etdi. O'rtoqlik uchrashuvi. Evropa qit'asi Angliya – Portugaliya 1:0 (0:0, 1:0)
Gol: 1:0 – 86 Smolling.
Angliya – Xart, Keyxill, Rouz, Uoker, Smolling, Milner (Uilsher, 66), Dayer, Alli (Xenderson, 90), Keyn (Starridj, 78), Vardi (Sterling, 66), Runi (Lallana, 78).
Portugaliya – Ruy Patrisiu, Karvalyu (Eder, 90), Alvesh, Elizeu, Vieyrinya, Nani (Kuarejma, 61), Danilu Pereyra, Joau Mariu (Andre Gomesh, 46), Moutinyu (Vilyam Karvalyu, 73), Rafa Silva (Fonte, 38), Adrien Silva (Sanshesh, 72).
Ogohlantirishlar: Keyxill (43), Danilu Pereyra (76).
Chetlatish: Alvesh (35).
— deya xabar beradi uff.uz nashri.