Bilasiz, SPORTS.uz internet-portali yaqin vaqtdan buyon o'zbek futbolchilari faoliyatini ishqibozlarga yanada yaxshiroq tanishtirish uchun mo'ljallangan “Yashil maydon” loyihasini taqdim etib kelmoqda. Bu safar “Yashil maydon” loyihasi mualliflari “Qo'qon-1912” klubi hujumchisi – Nosir Otaqo'ziev bilan dildan suhbat uyushtirishdi. Suhbat davomida tajribali hujumchi bir qator savollarga kutilmagan javoblar berib, ijodiy jamoamizni lol qoldirdi. >>> “Maydon markazida” loyihasi – Jaloliddin Masharipov: Agar futbolchi bo'lmaganimda o'zimni albatta san'atda sinab ko'rgan bo'lardim >>> “Maydon markazida” loyihasi – Abbos Maxsitaliev: “Monako”da nimalar bo'lganligini rosti unchalik tushunmaganman >>> “Yashil maydon” loyihasi – Alisher Shog'ulomov: Eng katta xatoim – “Lokomotiv”dan ketganim >>> “Yashil maydon” loyihasi – Jasur Hasanov: Xalqimizning azaliy orzusini ro'yobga chiqarishimiz shart Baxtiyor Toshtemirov: Futbolga ilk qadamlaringizni qaerda qo'ygansiz? Umuman futbolga kirib kelishingiz xaqida bizga so'zlab bersangiz. - Avvalambor, Assalomu alaykum! Meni futbolga kirib kelishimga Farg'ona futbol maktabi murabbiylaridan bo'lgan Nozim Usmonovning xizmatlari beqiyos, deb ayta olaman. Yoshlikda har bir bolada futbolga qiziqish bo'lgani kabi menda ham millionlar o'yiniga qiziqish yuqori edi. Yoshlikdan qandaydir iste'dodim borligini sezishgan chog'i qo'limdan etaklab futbol maktabiga olib borishgan. Men bilan birga G'ayrat Xasanov, Mansur Saidov, Nodir Qo'ziboevlar futbol maktabini tamomlagan. Shundan so'ng 2000 yilda o'zim tug'ilib o'sgan Rishton tuman sharafini birinchi liga bahslarida himoya qilganman. Bir yil muddat to'p surganimdan so'ng Tohir Kapadze o'z boshqaruvidagi Quvasoyning “Tsementchi” jamoasiga taklif qildi. U erda ikki yil to'p surganim. So'ng viloyatning bosh jamoasi – “Neftchi” sharafini ximoya qilishga chaqirishgan. 2002 yildan boshlab “Neftchi” safida to'p surishni boshladim. Dilrabo Sobirova: Faoliyatingiz davomida ko'plab jamoalar safida to'p surishga ulgurdingiz. Shular xaqida ikki og'iz so'zlab bersangiz. - “Neftchi” jamoasi safida to'p surganimdan so'ng 2010 yilda Igor Anatolevich o'z jamoasi safiga chaqiradi. “Olmaliq” tarkibida ikki mavsum omadli to'p surdim. Dastlabki mavsum men uchun ayniqsa omadli chiqdi. Sababi jamoa safida to'purar bo'lishga muvaffaq bo'ldim. Shundan so'ng o'yinlarimga qiziqib qolgan “Nasaf” taklif bilan chiqdi. Bunday taklifni rad etib bo'lmas edi. Anatoliy Demyanenko ajoyib jamoani shakllantirgan edi. Biz ajoyib o'yinlar orqali OFK kubogini qo'lga kiritishga erishdik. “Nasaf” safida ikki yil to'p surganimdan keyin yana “Olmaliq” safiga qaytdim. Bu safargi qaytish omadli keldi, deb ayta olmayman. Keyinchalik “Neftchi”ga qaytishga qaror qildim. Bu erda ham ishlarim yurishmadi. Futbolda har doim omad va omadsizliklar yonma-yon yuradi. “Neftchi”da ham omadsizliklar meni “qurshab” oldi. Shundan so'ng “Navbahor”da ham bir yil to'p tepdim. Komiljon Ikromov: Jarohat olib ruhan qiynalgan paytalaringizda kim sizga dalda bo'ladi? - Hudoga shukr, hammani o'z oilasi bor. Ota-onam xayotlar, umrlari uzoq bo'lsin. O'zi odatda futbolchilar doimo jarohatlar bilan kurashadi. Men ham yaqinda jarohat olib bir muddat davolanishga majbur bo'ldim. 16 yildan buyon futbol o'ynayotgan bo'lsam, bu yil ilk bor qattiq jarohat oldim. Bu jarohatni Farg'ona Viloyat xokim kubogida orttirib olgandim. Qiynalgan paytlarimda yaqinlarim, ota-onam, turmush o'rtog'im yonimda bo'lishib, menga dalda bo'lishdi. Davomi quyidagi havolada 
— deya xabar beradi uff.uz nashri.