Tavsiya qilamiz:
UzBARCA.COM - FC Barcelona Muxlislar sayti !!!
" Real madrid " muxlislari sayti !!!
"FUTBOL TV " Yangiliklar !!
" Real madrid " muxlislari sayti !!!
"FUTBOL TV " Yangiliklar !!
«Shalke»ning omadli xaridlari (InterFUTBOL blogi)
Gelzenkirxenning «Shalke» klubi hozirda ikki jihati bilan e'tiborli: iqtidorli o'yinchilarni tarbiyalab voyaga etkazadi-yu, o'z tarkibida saqlab qola bilmaydi. Shuningdek jamoa bundesliganing «kumush tovog'i»ni qo'lga kiritishni ham uddalay olmayapti. Ko'pchilikning fikricha, bu omillar o'zaro bog'liq. Ana shu omadsizliklar orasida jamoa tomonidan amalga oshirilgan muvaffaqiyatli transferlar ham yo'q emas.
Rafinya - 2005|2006 yillar mavsumi
Bahosi: 5 mln. evro
Avvalgi jamoasi: «Koritiba»
Ko'rsatkichi: 153ta o'yin, 7ta gol
20 yoshli braziliyalik futbolchini xarid qilish - borib turgan tavakkalchilik. Zero, uning Evropa muhitiga moslasha olishiga hech kim kafolat bermaydi. Shunday bo'lsada, «Shalke» 2005 yilda qaltis ishga qo'l urib, Rafinyani o'z safiga qo'shib oldi. Albatta, tavakkal qarorga undaydigan omillar ham anchagina edi. Rafinya 19 yoshidan «Koritiba»ning asosiy tarkibidan o'rin olgan, U-20 toifasidagi Braziliya terma jamoasining asosiy ijrochilaridan biri sifatida JCh-2005 bronza medallarini qo'lga kiritgandi. Gelzenkirxenliklar himoya chizig'ining o'ng qanotida muammolarga duch kelishgan, umuman, himoya chizig'ini yoshartirish zarar qilmasdi. Futbolchining o'yin uslubiga kelsak, u aynan «Shalke» uchun yaratilgandek. Shu bois, ilk kunlardanoq asosiy tarkibdan joy oldi, himoyalanishni o'rniga qo'yib, hujumchilarga yordamga oshiqdi. Bolaligida mini-futbol bilan shug'ullangani juda asqotdi. Ko'pchilik vatandoshlari kabi, Rafinya ham anchayin injiq tabiatli yigit edi. Shu sabab mutasaddilar bilan tez-tez «san-man»ga borib turardi. Ayniqsa, unga «Bavariya» qiziqib qolganidan xabar topgach, bosar-tusarini bilmay qoldi. 2010 yil yanvarda u hatto jamoa yig'iniga etib kelishni ham o'ziga ep ko'rmadi. Shu vaziyat Feliks Magat aralashuvi bilan bartaraf etilgan bo'lsada, yozda Rafinyani sotib yuborishdi. To'g'ri, «Bavariya»ga emas, «Jenoa»ga.
Genuyada futbolchi o'ziga bildirilgan ishonchni oqladi va Myunxenga yo'l oldi. Asosiy tarkibdan joy olishi oson bo'lmadi, ammo Gvardiola e'tiboridagi o'yinchilardan biriga aylandi. Terma jamoa miqyosida esa uning omadi chopmadi - yoshlar bilan qo'lga kiritilgan bronza medali hamon yagonaligicha turibdi. Milliy jamoa rahbarlari unga e'tibor berishmaganidan ranjigan Rafinya Germaniya fuqaroligini qabul qildi.
Ivan Rakitich - 2007|2008 yillar mavsumi
Bahosi: 5 mln. evro
Avvalgi jamoasi: «Bazel»
Ko'rsatkichi: 97ta o'yin, 12ta gol
Futbolchi uchun sarflangan mablag'ni inobatga olganda, Rakitich «Shalke»ning omadli xaridlaridan biridir. Xorvatiyalik yarim himoyachi 19 yoshida «Bazel»da debyutini nishonlab, 33ta uchrashuvda 11ta gol urgandi. Mirko Slomka uni «Galatasaroy»ga sotib yuborilgan Linkoln o'rnida jamoa «miya»si sifatida tasavvur qilgandi. Dastlabki o'yindayoq Rakitich o'zini ko'rsatdi - avvalgi mavsumda chempionlikka erishgan «Shtutgart»ga qarshi bahsda zaxiradan maydonga tushib, 77-daqiqada hisobni tenglashtirdi. Ivan ayrim jamoadoshlariga nisbatan kam gol urgan bo'lsada, jamoaga keltirgan manfaati salmoqli edi. Chunki barcha hujum harakatlarining me'moriga aylangandi. To'g'ri, 2011 yili klub bilan shartnoma borasidagi masalasi boshi berk ko'chaga kirib qoldi. Oqibatda uni 1,5 mln. evro evaziga «Sevilya»ga sotib yuborishdi. Aks holda, erkin agentga aylanardi.
Ispaniyada tobora yaxshiroq to'p sura boshlagan Ivan «Barselona» nazariga tushib, 2014 yili Kataloniya klubi a'zosiga aylandi. Albatta, uch yillikdan yorqinroq o'yin ko'rsatish nafaqat xorvatiyalik, balki o'ta noyob iqtidor sohibiga ham oson emas. Biroq Rakitich yulduzlar jamoasida o'ziga mos yumush topa oldi.
Raul - 2010|2011 yillar mavsumi
Bahosi: tekin
Avvalgi jamoasi: «Real»
Ko'rsatkichi: 66ta o'yin, 28ta gol
2009|2010 yillar mavsumini «Shalke» 2-o'rinda yakunlagach, chempionlikni ko'zlab, mutasaddilar transfer bozoridagi faollikni oshirishdi. Xurado va Xuntelar uchun 25 mln. evro sarflandi. Lekin «Qirollik klubi»ga keragi bo'lmay qolgan Raulning tarkibga qo'shilishi yanada muhimroq rol o'ynadi. «Real»ning 33 yoshli hujumchisi atigi ikki mavsum to'p surgan bo'lsada, mahalliy muxlislar «kumir»iga aylandi. 2010|2011 yillar mavsumida jamoa bundesligada muvaffaqiyatsizlikka uchradi (14-o'rin). Biroq ular Raul etakchiligida ChLning yarim finaliga qadar etib borishdi. Mamlakat kubogini qo'lga kiritdilar. Bir yildan so'ng esa hujumchi Evropani tark etib, Qatarning «Al-Sadd» klubida to'p sura boshladi. «Shalke» rahbariyati unga bo'lgan cheksiz hurmat ramzi sifatida «7» raqamini muomaladan chiqarishni rejalashtirgandi. Biroq bu tadbir amalga oshmay qoldi.
Ralf Fermann - 2011|2012 yillar mavsumi
Bahosi: tekin
Avvalgi jamoasi: «Ayntraxt»
Ko'rsatkichi: 73ta o'yin
Rasman hisoblaganda, futbolchi «Shalke» libosida 76 marta maydonga tushgan, 3ta o'yinni «Ayntraxt»ga o'tishidan avval o'tkazgandi. U paytda Ralf anchayin g'o'r edi va Manuel Noyerga munosib raqobat ko'rsatolmagandi. Shu sabab mutasaddilar «Ayntraxt»ga avvaliga ijaraga berib, keyinchalik sotib yuborishdi. Lekin jamoa Noyerni «Bavariya»ga pullagach, Frankfurtda ishonchli o'ynayotgan Fermann xizmatiga ehtiyoj sezdi. Debyutdagi jarohat mahoratini to'la namoyish etishiga imkon bermadi. Natijada, Ralf Rangnik tajribali Timo Xildebrand va yosh Lars Unnershtalga ishonch bildirdi. Faqat 2013|2014 yillar mavsumidagina Fermann asosiy tarkibdan joy olishga muvaffaq bo'ldi va faoliyatini ishonchli tarzda davom ettirmoqda. Mamlakatning eng mohir posboni unvoniga sazovor bo'lgani ham bejiz emas.
Davomi InterFUTBOL blogida.
— deya xabar beradi uff.uz nashri.
Rafinya - 2005|2006 yillar mavsumi
Bahosi: 5 mln. evro
Avvalgi jamoasi: «Koritiba»
Ko'rsatkichi: 153ta o'yin, 7ta gol
20 yoshli braziliyalik futbolchini xarid qilish - borib turgan tavakkalchilik. Zero, uning Evropa muhitiga moslasha olishiga hech kim kafolat bermaydi. Shunday bo'lsada, «Shalke» 2005 yilda qaltis ishga qo'l urib, Rafinyani o'z safiga qo'shib oldi. Albatta, tavakkal qarorga undaydigan omillar ham anchagina edi. Rafinya 19 yoshidan «Koritiba»ning asosiy tarkibidan o'rin olgan, U-20 toifasidagi Braziliya terma jamoasining asosiy ijrochilaridan biri sifatida JCh-2005 bronza medallarini qo'lga kiritgandi. Gelzenkirxenliklar himoya chizig'ining o'ng qanotida muammolarga duch kelishgan, umuman, himoya chizig'ini yoshartirish zarar qilmasdi. Futbolchining o'yin uslubiga kelsak, u aynan «Shalke» uchun yaratilgandek. Shu bois, ilk kunlardanoq asosiy tarkibdan joy oldi, himoyalanishni o'rniga qo'yib, hujumchilarga yordamga oshiqdi. Bolaligida mini-futbol bilan shug'ullangani juda asqotdi. Ko'pchilik vatandoshlari kabi, Rafinya ham anchayin injiq tabiatli yigit edi. Shu sabab mutasaddilar bilan tez-tez «san-man»ga borib turardi. Ayniqsa, unga «Bavariya» qiziqib qolganidan xabar topgach, bosar-tusarini bilmay qoldi. 2010 yil yanvarda u hatto jamoa yig'iniga etib kelishni ham o'ziga ep ko'rmadi. Shu vaziyat Feliks Magat aralashuvi bilan bartaraf etilgan bo'lsada, yozda Rafinyani sotib yuborishdi. To'g'ri, «Bavariya»ga emas, «Jenoa»ga.
Genuyada futbolchi o'ziga bildirilgan ishonchni oqladi va Myunxenga yo'l oldi. Asosiy tarkibdan joy olishi oson bo'lmadi, ammo Gvardiola e'tiboridagi o'yinchilardan biriga aylandi. Terma jamoa miqyosida esa uning omadi chopmadi - yoshlar bilan qo'lga kiritilgan bronza medali hamon yagonaligicha turibdi. Milliy jamoa rahbarlari unga e'tibor berishmaganidan ranjigan Rafinya Germaniya fuqaroligini qabul qildi.
Ivan Rakitich - 2007|2008 yillar mavsumi
Bahosi: 5 mln. evro
Avvalgi jamoasi: «Bazel»
Ko'rsatkichi: 97ta o'yin, 12ta gol
Futbolchi uchun sarflangan mablag'ni inobatga olganda, Rakitich «Shalke»ning omadli xaridlaridan biridir. Xorvatiyalik yarim himoyachi 19 yoshida «Bazel»da debyutini nishonlab, 33ta uchrashuvda 11ta gol urgandi. Mirko Slomka uni «Galatasaroy»ga sotib yuborilgan Linkoln o'rnida jamoa «miya»si sifatida tasavvur qilgandi. Dastlabki o'yindayoq Rakitich o'zini ko'rsatdi - avvalgi mavsumda chempionlikka erishgan «Shtutgart»ga qarshi bahsda zaxiradan maydonga tushib, 77-daqiqada hisobni tenglashtirdi. Ivan ayrim jamoadoshlariga nisbatan kam gol urgan bo'lsada, jamoaga keltirgan manfaati salmoqli edi. Chunki barcha hujum harakatlarining me'moriga aylangandi. To'g'ri, 2011 yili klub bilan shartnoma borasidagi masalasi boshi berk ko'chaga kirib qoldi. Oqibatda uni 1,5 mln. evro evaziga «Sevilya»ga sotib yuborishdi. Aks holda, erkin agentga aylanardi.
Ispaniyada tobora yaxshiroq to'p sura boshlagan Ivan «Barselona» nazariga tushib, 2014 yili Kataloniya klubi a'zosiga aylandi. Albatta, uch yillikdan yorqinroq o'yin ko'rsatish nafaqat xorvatiyalik, balki o'ta noyob iqtidor sohibiga ham oson emas. Biroq Rakitich yulduzlar jamoasida o'ziga mos yumush topa oldi.
Raul - 2010|2011 yillar mavsumi
Bahosi: tekin
Avvalgi jamoasi: «Real»
Ko'rsatkichi: 66ta o'yin, 28ta gol
2009|2010 yillar mavsumini «Shalke» 2-o'rinda yakunlagach, chempionlikni ko'zlab, mutasaddilar transfer bozoridagi faollikni oshirishdi. Xurado va Xuntelar uchun 25 mln. evro sarflandi. Lekin «Qirollik klubi»ga keragi bo'lmay qolgan Raulning tarkibga qo'shilishi yanada muhimroq rol o'ynadi. «Real»ning 33 yoshli hujumchisi atigi ikki mavsum to'p surgan bo'lsada, mahalliy muxlislar «kumir»iga aylandi. 2010|2011 yillar mavsumida jamoa bundesligada muvaffaqiyatsizlikka uchradi (14-o'rin). Biroq ular Raul etakchiligida ChLning yarim finaliga qadar etib borishdi. Mamlakat kubogini qo'lga kiritdilar. Bir yildan so'ng esa hujumchi Evropani tark etib, Qatarning «Al-Sadd» klubida to'p sura boshladi. «Shalke» rahbariyati unga bo'lgan cheksiz hurmat ramzi sifatida «7» raqamini muomaladan chiqarishni rejalashtirgandi. Biroq bu tadbir amalga oshmay qoldi.
Ralf Fermann - 2011|2012 yillar mavsumi
Bahosi: tekin
Avvalgi jamoasi: «Ayntraxt»
Ko'rsatkichi: 73ta o'yin
Rasman hisoblaganda, futbolchi «Shalke» libosida 76 marta maydonga tushgan, 3ta o'yinni «Ayntraxt»ga o'tishidan avval o'tkazgandi. U paytda Ralf anchayin g'o'r edi va Manuel Noyerga munosib raqobat ko'rsatolmagandi. Shu sabab mutasaddilar «Ayntraxt»ga avvaliga ijaraga berib, keyinchalik sotib yuborishdi. Lekin jamoa Noyerni «Bavariya»ga pullagach, Frankfurtda ishonchli o'ynayotgan Fermann xizmatiga ehtiyoj sezdi. Debyutdagi jarohat mahoratini to'la namoyish etishiga imkon bermadi. Natijada, Ralf Rangnik tajribali Timo Xildebrand va yosh Lars Unnershtalga ishonch bildirdi. Faqat 2013|2014 yillar mavsumidagina Fermann asosiy tarkibdan joy olishga muvaffaq bo'ldi va faoliyatini ishonchli tarzda davom ettirmoqda. Mamlakatning eng mohir posboni unvoniga sazovor bo'lgani ham bejiz emas.
Davomi InterFUTBOL blogida.
— deya xabar beradi uff.uz nashri.
Bosh sahifaga
509