«Chelsi» klubi sobiq futbolchisi Marsel Desayi portugaliyalik mutaxassis Joze Mourinyuning «Manchester Yunayted»ga bosh murabbiy etib tayinlanishiga o'z munosabatini bildirib o'tdi.
«Bir safar Joze bilan Meksikadagi konferentsiyada birga ishtirok etganmiz. U o'shanda Angliyada ishlash niyati borligini, biroq «Chelsi»ga emas, balki «MYu»ga o'tishni orzu qilayotganini aytgan edi. Joze butun faoliyati davomida «Manchester Yunayted»ni hurmat qilgan. Lui van Gaal allaqachon 200 million evroni yo'qotdi, Mourinyu yana 250 million sarflaydi. Bu fantastik jamoa bo'ladi, bunga ishonchim komil», – dedi Desayi.
Joriy mavsumda «Manchester Yunayted» Angliya chempionatida beshinchi o'rin bilan kifoyalandi.
— deya xabar beradi uff.uz nashri.