Oliy Liganining 11-turida "Andijon" jamoasi safarda "Metallurg"ga qarshi to'p suradi. Ushbu uchrashuv juda qiziqarli bo'lishi kutilmoqda. "Metallurg"ga qarshi tayyorgarlik borasida "burgutlar" darvozaboni Akmal Tursunboev UFF.uz internet portaliga o'z fikrlarini bildirib o'tdi.
- Bu uchrashuvga jiddiy tayyorgarlik asosida mashg'ulotlarda ishtirok etmoqdamiz. Jamoamiz safardagi o'yinga faqat g'alabani ko'zlagan holda boradi. Shuning uchun ham tayyorgarlik rejim asosida davom etmoqda. Avvalgi turdagi mag'lubiyatdan keyin, g'alaba jamoamizni qoniqtiradi. Maqsadimiz "Metallurg" ustidan g'alaba qozonib, uch ochkoga ega bo'lish hisoblanadi.
- Tarkibdagi yo'qotishlarga munosabatingiz qanday?
- Bunday yo'qotishlar har bir jamoada uchrab turadi. Shunday bo'lishiga qaramay, tarkibdagi boshqa futbolchilarga ham imkoniyat beriladi. Ishonamanki, biz "Metallurg" ustidan g'alaba qozonmoqchimiz.
- Jarohatdan keyin o'zingizni qanday his qilmoqdasiz?
- Men bu uchrashuvga 100 foiz tayyorman. 
— deya xabar beradi uff.uz nashri.