Bahreynda bo'lib o'tayotgan yoshlar o'rtasidagi Osiyo chempionati, D guruhi so'nggi turida O'zbekiston va Xitoy yoshlar terma jamoalari o'rtasida kechgan uchrashuv yakuniga etdi. Uchrashuvda nursiz durang qayd etildi.
O'zbekiston terma jamoasi muddatidan avval guruh g'olibligini qo'lga kiritgani tufayli chorak finalda S guruhida ikkinchi o'rinni olgan Eron bilan kuch sinashadi. Xitoy esa musobaqada birorta gol ura olmasdan, ammo bir ochkoni qo'lga kiritgan holda uyiga qaytadi.
E'tiborli tomoni, Tojikiston yoshlar terma jamoasi musobaqada yana bir sensatsion natija qayd etishga muvaffaq bo'ldi. Yon qo'shnilarimiz guruhdagi so'nggi bahsda Avstraliya bilan 0:0 hisobida durang qayd etdilar va ikkinchi o'rinni qo'lga kiritdilar.
Endi Tojikiston yoshlar terma jamoasi chorak finalda Yaponiyaga qarshi maydonga tushadi.
U-19 Osiyo chempionati
D guruhi, 3-tur
O'zbekiston U-19 - Xitoy U-19 - 0:0
O'zbekiston U-19: 12.Umidjon Ergashev, 2.Aziz Suyunov, 5.Xushnud Avilov,  7.Sanjar Qodirqulov, 8.Saidjamol Davlatov, 10.Suxrob Nurilloev, 13.Javohir Esonqulov, 16.Jamshid Yusupov, 20.Xusniddin G'ofurov, 22.Begzod G'anijonov, 23.Nurillo To'xtasinov
Xitoy U-19: 22.Shi Ksiadong, 5.Xuang Chuang, 7.Jang Xongjiang, 9.Vu Vey, 10.Jang Yuan, 14.Gao Xuaje, 15.Yao Daogang, 17.Yang Liu, 18.Xu Jingxang, 19.Kao Xongjing, 20.Xuang Jengyu.
— deya xabar beradi uff.uz nashri.