Madridning «Real» klubi va 31 yoshli hujumchi Krishtianu Ronaldu o'rtasidagi yangi shartnoma borasidagi muzokara cho'zilib ketdi. Bunga sabab sifatida tomonlar yangi shartnoma muddati bo'yicha kelisha olmayotgani ko'rsatilmoqda.
Portugaliyalik futbolchining ayni vaqtdagi shartnomasi muddati 2018 yilda yakuniga etishi lozim. Ronaldu «Real»da faoliyatini yakunlashni orzu qilmoqda va yangi besh yillik shartnoma imzolashni maqsad qilgan. Biroq «Real» rahbariyati 4 yillik hamkorlikni imzolashga tayyorligini bildirgan.
Yangi shartnomaning moliyaviy shartlari allaqachon hal bo'lib ulgurgan. Unga ko'ra Ronaldu yiliga 21 million evro maosh olishi lozim.
— deya xabar beradi uff.uz nashri.