Leo Messining EChL dagi statistikasi 108 o'yinda 92 golga tengdir. “Manchester Siti”ga qarshi qayd etilgan het-trikdan so'ng, Leo tarixiy to'purarlar ro'yxatida Krishtianu Ronaldudan uch golga ortda qolmoqda. Shu dalildan kelib chiqqan holda, “Penalti” argentinalik superyulduzning EChL dagi eng yorqin uchrashuvlarini eslab o'tadi. 2010 yil, 6-aprel. Chorak final. “Barselona” 4:1 “Arsenal” Gollar: Messi, 21, 37, 42, 88; Bendtner, 18. Leo EChL da ilk bor ikki boradan ko'proq gol urganida 22 yoshda edi.  O'sha bahsda Messi klassik het-trik qayd etgan edi, ya'ni ilk bo'limning o'zida Londonning “Arsenal”ini uch bora jazolagandi. Bahs so'nggida esa, u het-trikni pokerga aylantirdi va kataloniyaliklarga yorqin g'alabani taqdim etdi. “Kanonirlar” ustozi Venger ham Messining mahoratiga tan berdi va uni PlayStation futbolchisiga qiyosladi. 2013 yil, 18-sentabr. Guruh bosqichi. “Barselona 4:0 Ayaks Gollar: Messi, 22, 55, 75; Pike, 60. 2013/2014 yil mavsumining ilk EChL guruh bosqichi o'yinida Messi Gollandiyaning “Ayaks”ini ayab o'tirmadi. Messi ko'pincha o'zining sermahsul o'yinlarida uchrashuv hisobini ochib beruvchi golni uradi. Bunga keyingi sermahsul o'yinlar bilan tanishish  orqali oydinlik kiritib olamiz. Davomi Penalti.uz da
— deya xabar beradi uff.uz nashri.