Ispaniya chempionatining 9-turidan o'rin olgan o'yinda «Selta» klubi o'z maydonida «Real» jamoasini qabul qildi. O'yinning boshidayoq Ronaldu raqib himoyachilari xatosidan foydalanib, hisobni ochdi. «Selta» gol o'tkazib yuborganidan keyin oldinga tashlandi. Rafael Benites shogirdlari tashabbusni raqibga berib qo'yib, payt poylashdi. «Selta» hujumga berilib ketganidan foydalanib, madridliklar yana hisobni oshirishdi. Danilo o'ng qanotda paydo bo'lgan bo'shliqdan unumli foydalanib, hisobni 2:0ga etkazdi. «Selta» futbolchilarida ham birinchi bo'limda gol kiritish uchun ko'p vaziyat yuzaga keldi. Ammo «Real» darvozaboni Keylor Navas juda ishonchli o'yin namoyish qilib, jamoasini ko'plab vaziyatlarda yaqqol gollardan qutqarib qoldi. Ikkinchi bo'limda o'yin ancha asabiy tarzda kechdi. 57-daqiqada «Selta» futbolchisi Kabral qizil kartochka olib, maydonni tark etdi. O'yin yakunlanishi arafasida esa Nolito o'z maqsadiga etdi. U jarima maydonchasiga kirmasdan zarba yo'llab, hisobni qisqartirdi. Bu zarba oldida Navasdek darvozabon ham ojiz qoldi. Hakam tomonidan qo'shib berilgan daqiqalarda esa Marselo uchinchi to'pni kiritib, o'yinga nuqta qo'ydi. Shu tariqa safarda kechgan o'yinda «Real» 3:1 hisobida g'alaba qozonib, uch ochkoni qo'lga kiritdi.
Ispaniya chempionati, 9-tur
Selta – Real Madrid 1:3
Gollar:  0:1 – 8 Ronaldu, 0:2 – 23 Danilo, 1:2 – 83 Nolito, 1:3 - 90+5 Marselo.
Selta – Alvares, Kabral, Kastro, Malo, Gomes, Ernandes (Planas, 81), Fernandes, Orelyana (Gvidetti, 82), Vass (Radoya, 67), Nolito, Aspas.
Real Madrid – Navas, Varan, Marselo, Danilo, Ramos, Kroos, Kazemiro, Xese (Cheriishev, 70), Modrich (Nacho, 80), Vaskes (Isko, 62), Ronaldu.
Ogohlantirishlar:   Kabral (37), Vaskes (52), Aspas (57), Ernandes (57), Fernandes (57), Nolito (61).
Chetlatish:  Kabral (57).
— deya xabar beradi uff.uz nashri.