Oliy Liga 26-turidan o'rin olgan “Buxoro” – “Lokomotiv” (2:1) uchrashuvidan so'ng “temiryo'lchilar” ustozi Andrey Miklyaev o'yin haqida o'z fikrini bildirdi. - “Buxoro” jamoasini g'alaba bilan tabriklayman. Bugun stadionga kelgan ishqibozlar ajoyib o'yin guvohiga aylanishdi. Bunday tomoshabop o'yinlar soni ortsa chempionatimiz yanada qiziqroq o'tardi.

Ikkinchi bo'limda katta tashabbusga ega bo'lgan bo'lsak-da yaratilgan qulay vaziyatlarni golga aylantira olmadik. Birinchi bo'limda esa kutilmagan gollar o'tkazib yubordik. O'yinchilarimiz keyin vaziyatni o'nglashga urinishdi. Lekin “Buxoro”ning mustahkam himoyasini yorib o'tishga faqat bir marta muvaffaq bo'ldik, xolos.

Ta'kidlab o'taman, biz hali chempion bo'lganimizcha yo'q! Chempionlik tomon odimlayapmiz, lekin hali oldinda o'yinlar bor, - deydi tajribali mutaxassis.
— deya xabar beradi uff.uz nashri.