Angliya chempionatining 10-turidan o'rin olgan "Arsenal" hamda "Everton" klublari o'rtasidagi uchrashuv nihoyasiga etdi. Unda 2:1 hisobi qayd etilib, "to'pchilar"ning g'alabasi bilan yakunlandi.
O'yin kutilganidek, shiddatli hujumlarga boy tarzda o'tdi. Barcha gollar birinchi bo'limda kiritildi. "Emireyts" stadioni uzra yoqqan kuchli yomg'ir ta'sirida jamoalar o'z omadlarini raqib darvozasi yonida izlab ko'rishga harakat qilishdi.
Dastlab, Mesut O'zilning ajoyib to'p uzatishidan keyin Jiru boshi bilan Xovard darvozasini ishg'ol qildi va hisobni ochdi. Oradan ikki daqiqa o'tib esa, Kasorlaning jarima zarbasini Koselni xuddi Jiru singari boshi bilan darvozaga yo'lladi.
44-daqiqada Barkli chap oyog'ida chamasi 18 metrlardan zarba yo'lladi. To'p o'z yo'nalishini Gabrielning oyog'iga tegib o'zgartirdi va Chex darvozasiga borib tushdi.
Ikkinchi bo'limda ham jamoalar xavfli vaziyatlarni yuzaga keltirishdi. Ayniqsa, Petr Chex maydon egalarini muqarrar goldan qutgarib qoldi.
Shu tariqa, "Arsenal" muhim uch ochkoni qo'lga kiritdi va jadvalda karvonboshiga aylanib oldi.
Angliya chempionati, 10-tur
Arsenal – Everton 2:1
Gollar: 1:0 – 36 Jiru, 2:0 – 38 Koselni, 2:1 – 44 Barkli.
Arsenal – Chex, Gabriel, Monreal, Belerin, Koselni, Koklen, Kasorla, O'zil, Oksleyd-Chemberlen (Flamini, 81), Sanches, Jiru.
Everton – Xovard, Stounz, Gellouey, Koulmen, Djagelka (Funes Mori, 52), Makkarti, Berri, Barkli, Lennon (Miralyas, 70), Deulofeu, Lukaku.
Ogohlantirishlar: Koklen (25), Berri (67), Jiru (69).
Chetlatish: Berri (90+4).
— deya xabar beradi uff.uz nashri.