“Qizilqum” – “Bunyodkor” uchrashuvidan keyingi matbuot anjumanining birinchi qismida “qaldirg'ochlar” ustozi Sergey Lushchan qatnashdi.

- O'yin ikkala jamoada ham o'xshadi, deb o'ylayman. Chunki chiroyli va tomoshabop bahs guvohiga aylandik. Muxlislar ham sifatli uchrashuvni kuzatishdi deb o'ylayman. "Qizilqum" - yaxshi ijrochilardan tashkil topgan jamoa. O'yindan qoniqdim, ammo natijadan emas. Chempionlikni ko'zlagan jamoa bundan ham kuchlroq o'yin ko'rsatishi kerak. Men bugungi natijadan fojea yasamayman. Hali oldinda yana o'yinlar bor. O'ylaymanki, kurashishga hali imkoniyatlarimiz bor. Bir narsani tushunish kerak. Hozirgi kunda bizda har uch kunda o'yin bor. Bunday tig'iz grafikda yuqori saviyada o'yin ko'rsatish juda mushkul. Alempievichda kichik jarohat bor. Shu bois uni xizmatlaridan bugun foydalana olmadik, - deydi Sergey Ivanovich.
— deya xabar beradi uff.uz nashri.