O'zbekiston U-16 ayollar terma jamoasi Iordaniyaga qarshi o'rtoqlik uchrashuvi o'tkazib, kelasi yili 17 yoshgacha bo'lgan futbolchi qizlar o'rtasidagi Jahon chempionatiga mezbonlik qiladigan yurt vakilalarini 1:0 hisobida mag'lub etdi.
Avval xabar berganimizdek, O'zbekiston U-16 ayollar terma jamoasi 22 va 25 oktyabr kunlari Toshkentdagi "Jar" stadionida Iordaniya U-16 ayollar terma jamoasiga qarshi ikkita o'rtoqlik uchrashuvi o'tkazish borasida kelishib olgan edi. Biroq 22 oktyabr kuni ob-havo futbol uchrashuvini o'tkazish uchun noqulay kelgani sabab, dastlabki o'yin 23 oktyabr, juma kuni bo'lib o'tdi.
Uchrashuvdagi yagona golni 68-daqiqada Malika Burxonova kiritdi.
O'zbekiston U-16 terma jamoasi 19 oktyabr kuni yig'inga kirgan edi va ushbu yig'in 25 oktyabrga qadar davom etadi.
Ta'kidlash kerakki, Baxron Norsafarov boshchiligidagi O'zbeiston U-16 ayollar terma jamoasi Osiyo chempionati final bosqichiga tayyorgarlik ko'rmoqda. Ushbu turnir 4 — 15 noyabr kunlari Xitoyda bo'lib o'tadi. Qur'a natijalariga ko'ra O'zbekiston "V" guruhidan o'rin olgan. Guruhda yana to'rtta jamoa bo'lib, ular: Xitoy, Eron, Tailand hamda Janubiy Koreya.
Eslatib o'tamiz, ushbu yosh doirasida amladagi Osiyo chempioni — Yaponiya.
Yaponiya, Xitoy, KXDR hamda Tailand jamoalari chempionatga avvalgi qit'a birinchiligi yakuniga ko'ra to'g'ridan-to'g'ri yo'llanmani qo'lga kiritgandi. O'z navbatida O'zbekiston, Eron, Janubiy Koreya va Xitoy Taypey jamoalari Ochiyo chempionatiga saralash bosqichlaridagi muvaffaqiyatli ishtiroki orqali yo'l oldi.
Norsafarov jamoasi 31 oktyabrda musobaqa oldidan qisqa yig'in o'tkazib, 2 noyabrda Xitoyga yo'l oldadi.
— deya xabar beradi uff.uz nashri.