Italiya chempionati 9-turida “Inter” jamoasi safarda “Atalanta” futbolchilariga qarshi bahs olib bordi. Unda 2:1 hisobi qayd etilib, “Atalanta” foydasiga hal bo'ldi. Uchrashuvning 10-daqiqasida Masello hisobni ochgan bo'lsa, 50-daqiqada Eder muvozanatni tikladi. O'yin yakunida Pinilya penaltidan gol kiritib, “Atalanta”ga g'alaba keltirdi. “Inter” 11 ochko bilan qolib ketdi va 13-o'ringa pastladi. “Atalanta” 13 ochko bilan 9-pog'onada. Italiya chempionati, 9-tur Atalanta – Inter 2:1 (1:0, 1:1)
Gollar: 1:0 – 10 Masello, 1:1 – 50 Eder, 2:1 – 88, penalti Pinilya.
Atalanta – Berisha, Toloi (Konko, 45), Kaldara, Masello, Kessie, Gomes (Galyardini, 81), Kurtich, Konti, Froyler, Drame, Petanya (Pinilya, 62).
Inter – Xandanovich, Miranda, Santon, Nagatomo (Ansaldi, 61), Murilo, Joau Mariu, Medel, Brozovich (Kondogbia, 62), Perishich, Eder (Kandreva, 76), Ikardi.
Ogohlantirishlar: Konko (49), Eder (61), Pinilya (89). 
— deya xabar beradi uff.uz nashri.