Bilasiz, kecha “Lokomotiv” oliy liga 26-tur uchrashuvlari doirasida “Buxoro” maydoniga safar uyushtirdi va 1:2 hisobida mag'lubiyatga uchradi. Bugundan “temiryo'lchilar” navbatdagi uchrashuvga hozirlikni boshlab yuborishdi. Oldinda “Lokomotiv”ni mamlakat kubogi bahslari doirasidagi “Bunyodkor” bilan bo'ladigan yarim final o'yini kutmoqda. Mazkur match 25 oktyabr sanasida bo'lib o'tadi. “Loko” futbolchilari bugundanoq ushbu o'yinga tayyorgarlik doirasidagi ilk mashg'ulotni o'tkazishdi. Kecha “Buxoro” bilan o'yinda maydonga tushgan o'yinchilar engil yugurib, so'ng trenajyorda mashq o'tashgan bo'lsa, qolgan futbolchilar umumiy mashg'ulotlarda qatnashishdi. Shuningdek, sonidan engil jarohat olgan Kaxi Maxaradze yakka tartibda shug'ullandi.
— deya xabar beradi uff.uz nashri.