Kecha O'zbekiston Birinchiligining navbatdagi 33-tur uchrashuvlari bo'lib o'tdi. “Nasaf-2” jamoamiz safarda “Orol” jamoasiga qarshi saf tortdi.

Uchrashuv qiziqarli va kurashlarga boy tarzda kechdi. “Orol” jamoasi uchrashuvni o'z maydonida o'tkazayotgani uchun e'tiborini ko'proq hujumga qaratdi. Futbolchilarimiz esa himoyalanib qarshi hujumlarda harakat qilishdi.

Uchrashuvdagi hisob jamoamiz tomonidan 29-daqiqada ochildi. Golga Ilhom Alijonov mualliflik qildi. 39-daqiqada Sirojiddin Ettiboev uchrashuvdagi ikkinchi golni kiritib, hisobdagi farqni ko'paytirdi. Birinchi bo'lim qo'shimcha daqiqasida maydon egalari oradagi hisobni qisqartirishga erishdilar. Golni Xaipov kiritdi.

Birinchi bo'lim ana shu 1:2 hisobda yakun topdi.

Ikkinchi bo'limda ham jamoamiz ko'proq himoyaga e'tibor qaratib, qarshi hujumlarda harakat qilishdi.

Uchrashuvning 71-daqiqasida Javohir Ashurov tezlik bilan jarima maydoniga kirib bordi. Uning yo'qotgan to'piga Sirojiddin Ettiboev egalik qildi, ammo uni jarima maydoni ichida himoyachilar qo'pollik bilan to'xtatishdi. Natijada uchrashuv hakami 11 metrlik jarima to'pi tepishni ko'rsatdi.

Penaltini “jabrlanuvchi”ning o'zi bexato amalga oshirib hisobni 3:1, yirik ko'rinishga o'zgartirdi.

Shunday qilib, Nurali Sultonov shogirdlari bo'lmish, “Nasaf-2” jamoamiz safarda muhim uch ochkoni qo'lga kiritishdi.

Endi ular 26 oktyabr kuni Urganchda “Xorazm” jamoasining mehmoni bo'lishadi.

O'zekiston Birinchiligi, 33-tur. 23.10.2016. “Orol” (Nukus) – “Nasaf-2” (Qarshi) 1:3 (1:2)
Gollar: N.Xaipov (45+1) – Ilhoim Alijonov (29), Sirojiddin Ettiboev (39), Abdulaziz Nishonboev (71, penalti).
Ogohlantirish: S.Atamuratov (28), E.Jamiev (70) - G'.G'aybullaev (79).
Hakamlar: I. Xudoydotov (Toshkent), Sh. Fayziev (Jizzax), M. Turdiev (Jizzax)
Nazoratchi: V. Najafaliev (Toshkent).
— deya xabar beradi uff.uz nashri.