“Liverpul” jamoasi bosh murabbiyi Yurgen Klopp Loris Karius ayni damda asosiy darvozabon ekanini, Simon Minolega esa vaziyatni tushuntirganini ma'lum qildi. “Hozirgi kunda Karius “Liverpul”da birinchi raqamli darvozabon. Vaziyat shunday. Men darvozabonlarni shubha ostida qoldira olmayman. Lorisga o'zini ko'rsatish uchun vaqt berildi. Xalqaro maydondagi o'yinlardan so'ng ikkisi bilan gaplashib oldim va vaziyatni tushuntirdim. Bu mening qarorim. Agar mashg'ulotlar vaqtida Kariusga hech nima qilmasa, u asosiy tarkibda maydonga tushadi. Simon haqiqiy professional. Albatta, mening qarorim uni qoniqtirmadi, ammo u mashg'ulotlarda bor kuchini bermoqda”, – dedi Klopp. Ma'lumot uchun, Loris Karius APLning 4 o'yinida maydonga tushib, 3 ta gol o'tkazib yubordi. 
— deya xabar beradi uff.uz nashri.