Ushbu uchrashuvning ahamiyati jamoamiz uchun muhim edi. Boisi mazkur o'yindagi g'alaba o'rinbosarlarimizni turnir jadvalida ikki pog'ona ko'tarilishiga zamin yaratardi. Buni yaxshi anglagan Muhsin Nizomiddinov shogirdlari bahsni hujumkor boshlashdi. Uchrashuvning 17-daqiqasida o'rinbosarlarimizda gol urish uchun qulay imkoniyat yuzaga kelgandi. Mehmonlar jarima maydonchasi yonida vaikllarimizni qo'pollik bilan to'xtatib qo'yishdi. Bosh hakam jarima to'pni belgiladi. Biroq, Ma'ruf Zokirjonovning bergan zarbasi jonli devorga tegib qaytdi. 35-daqiqada mehmonlar hisobni ochishdi. Himoyadagi xato evaziga Sunatillu Ermatov hisobni ochdi – 1:0. 38-daqiqada hisob tenglashdi. So'nggi o'yinlarda maydonni golsiz tark etmayotgan Abror Rahmonov bu safar ham o'zini ko'rsatdi – 1:1. 41-daqiqada Doston Meliqo'ziev mezbonlarni oldinga olib chiqdi – 2:1. Birinchi bo'lim shu hisobda yakunlandi. 52-daqiqada mehmonlar hisobni tenglashtirishlari mumkin edi. Sardor Isoqov jamoamizni muqarrar goldan qutqarib qoldi. 54-daqiqada tezkorlik bilan hujumga o'tgan Nizomiddinov shogirdlari ham o'ta qulay vaziyatdan foydalana olishmadi. Aniqrog'i, jarima maydonchasi ichida yuzaga kelgan pala-partishlikdan keyin to'p darvozadan joy olgandi. Ammo bosh hakam bu vaziyatda mezbonlar futbolchisi o'yindan tashqari holatda qolib ketdi deb topdi va golni inobatga olmadi. 62-daqiqada mehmonlar burchak to'pi tepish huquini qo'lga kiritishdi. Burchakdan oshirilgan to'pni Ozodbek Komilov mezbonlar darvozasiga aniq yo'llab, hisobni tenglashtirdi – 2:2. 75-daqiqada Abror Rahmonov jarima maydonchasiga ichida simulatsiya ishlatgani bois ogohlantirildi. 83-daqiqada Dilshod Baratov jarima maydonchasiga kirib borib zarba berdi. Biroq uning zarbasi unchalik kuchli chiqmadi. Shunday qilib, o'rinbosarlarimiz muhim ikki ochkodan mahrum bo'lishdi. Muhsin Nizomiddinov shogirdlari navbatdagi uchrashuvni 29 oktyabr kuni Farg'onada “Neftchi” o'rinbosarlariga qarshi o'tkazishadi. Yoshlar ligasi. 27-tur
“Qo'qon-1912” – “Metallurg” 2:2 (2:1)
Gollar: Abror Rahmonov 38, Doston Meliqo'ziev 41. – Sunnatilla Ermatov 35, Ozod Komilov 62.
“Qo'qon-1912”: 1. Ruslan Matniyozov (Asilbek Omonov-46), 4. Oybek Rustamov, 6. Laziz Nazirov, 8. Abror Rahmonov (9. Abduqahhor O'ktamov-77), 10. Quvondiq Ro'ziev (Dilshod Baratov-46, Ibrohim Muxtorov-83), 14. Avaz Mamatxo'jaev, 15. Ma'ruf Zokirjonov, 21. Doston Meliqo'ziev, 22. Muhammadanas Hasanov (7. Ibrohim Usmonov-84), 23. Sardor Isoqov, 25. Elyor Mo'ydinov.
Zaxira: 5. Hasanboy Ergashev, 7. Ibrohim Usmonov, 19. Abdumannopov Baxtiyor, 27. Dilshod Baratov.
“Metallurg”: 25. Temur To'ychiev, 2. Nozim Esonov, 7. Ulug'bek Xudoyorov, 8. Ozod Komilov, 9. Mirto'ra Akbarov (6. Mansur Nuraliev-68), 11. Sulton Arslonov, 14. Aziz Alimov, 17. Umid Rahmonov (Murod Toshmatov-46), 19. Abror Toshqo'ziev, 20. Sirojiddin Toshpo'latov, 21. Sinatulla Ermatov.
Zaxira:, 12. Timur Saydullaev.
— deya xabar beradi uff.uz nashri.