O'zbekiston yoshlar terma jamoasi bosh murabbiyi Jasur Abduraimov Osiyo chempionati chorak finalida Eronga qarshi kechgan o'yindan keyingi matbuot anjumanida ishtirok etdi. O'FFning tvitterdagi rasmiy sahifasida bu haqida ma'lumot berildi.
- Futbolchilarimning o'yinidan ko'nglim to'ldi. Ular borlarini berib o'ynashdi. Eronni esa g'alaba bilan tabriklayman.
Bu uchrashuvda to'xtalishlar va vaqt cho'zishlar ko'p bo'ldi. Bunday vaziyatda futbolchilarga qiyin. Kimgadir shunday futbol yoqsa, marhamat. Eronning g'alabasini shubha ostiga qo'ymoqchi emasman, ularning gollari toza urildi. Shunchaki, men bunday futbol tarafdori emasman.
Mag'lubiyatga javobgarman. Uzr so'rayman. Ammo, ishonamanki, bu jamoaning kelajagi bor. Bu futbol. Omad hamisha kelavermaydi.
Bu futbolchilarni yaxshi kelajak kutmoqda. Ularning turnirdagi o'yinidan qoniqdim. Ular bilan birga ishlaganimdan xursandman, - deydi murabbiy.
— deya xabar beradi uff.uz nashri.