«Manchester Yunayted» bosh murabbiyi Joze Mourino hujumchi Ueyn Runiga jamoadan ketishni maslahat berdi. Portugaliyalik murabbiy unga asosiy tarkibdan joy va muqim o'yin amaliyoti bera olmasligini tan olgan.
Eslatib o'tamiz, Ueyn Runi Angliya chempionati 9-turida «Chelsi»ga qarshi kechgan uchrashuv ro'yxatiga kiritilmadi. Uchrashuvda mankunianliklar 0:4 hisobida mag'lubiyatga uchrashgan.
Runining yo'qligi borasida rasmiy ma'lumotlarda jarohat olgani aytilgan. Eslatib o'tamiz, uning «Manchester Yunayted»  bilan shartnomasi 2019 yilga qadar davom etishi ko'zda tutilgan.
Ueyn Runi joriy mavsum Angliya chempionatida 8 uchrashuvda maydonga tushib, 1 ta gol urgan va 2 ta golli uzatmani amalga oshirgan.
— deya xabar beradi uff.uz nashri.