Anchadan buyon terma jamoalarimiz ijrosida bunday mazza qilib futbol ko'rmagan edik. Aniqrog'i, Toshkentdagi «Jar» stadionida bo'lib o'tgan O'zbekiston – Eron o'rtasidagi JCh-2014 saralashidagi o'yindan buyon. O'shanda xam o'yinni xotirjam o'tirib, oxirgi daqiqagacha yutishimizga ishongan xolatda tomosha qilgandik. Xattoki, o'sha Avstraliya – O'zbekiston o'rtasidagi o'yinni xam ko'ngil to'q xolatda ko'rgandik oxirgi daqiqasigacha. Ko'p yillar davom etgan terma jamoalarimiz ishtirokidagi o'yinlarni xavotir aralash kutish, o'yinni ignani ustida o'tirganday tomosha qilish kabi xissiyotlarni Vadim Abramov boshchiligidagi termamiz yo'qqa chiqargandi.
Mag'lubiyatga uchrasakda, o'yindan roxat olardik. Jasur Abduraimov boshchiligidagi U-19 terma jamoamiz menga o'sha damlarni eslatib yubordi. Garchi kecha Eronga mag'lub bo'lgan bo'lsakda, jamoamiz chiroyli o'yin ko'rsatdi. O'yinni oxirigacha xisobni o'zgartira olishimizga ishonib o'tirdim. Birinchi taymda jamoamiz Eronni jarima maydoniga qamab qo'ydi, eronlik ximoyachilar faqatgina xujumni bartaraf etish bilan shug'ullanishdi. Gol urilgan vaziyatda esa ximoyachilarimizga ozgina sovuqqonlik etishmadi. Yigitlardagi g'alabaga bo'lgan ishtiyoq, qattiq hoxish gol ura olmasligimizga sabab bo'ldi menimcha. Ikkinchi taymda esa tezkor o'tkazib yuborilgan gol xammasini barbod qildi.
Xammasi biz uchun yaxshi tugamagan bo'lsada, barcha ko'rdi Eronlik futbolchilarni ayanchli xolda yotib olib vaqt o'tkazganliklarini, xamma ko'rdi va ishondi bizda xam ajoyib driblingga ega, 3-4 ximoyachini bemalol ortta qoldira oladigan Yaxshiboev, Avilov kabi futbolchilar etishib chiqayotganini. Murabbiy va uni taktikasi to'g'risida fikr bildirmayman, yaxshisi mutaxassilar fikr bildirsin. Biz bilgan o'sha murabbiy aytgan mashxur “Borimiz shu...” iborasiga xam qo'shila olmayman. Bu yigitlarga evropacha qarashlarga ega, evropacha taktikani singdira oladigan murabbiy tayinlanishi kerak, oliy ligamizni jirkanch muxitida shakllanmasligi kerak bu yigitlar. Shundagina boshimiz devorga borib tekkanda,  ilojsiz xolatda “borimiz shu...” demaymiz. Aytmoqchi bo'lganlarim shu. Qolganini vaqt ko'rsatadi. Nima bo'lgan taqdirda xam – raxmat sizlarga, yigitlar deb qolaman. OBIDJON
— deya xabar beradi uff.uz nashri.