«Manchester Yunayted» bosh murabbiyi Joze Mourino «Manchester Siti»ga qarshi Kubok doirasida kechadigan o'yin oldidan fikr bildirarkan, Premer ligadagi omadsizliklarga to'xtaldi.
- Men kelasi o'yinni Premer ligada o'tkazishni istagan bo'ladim, u erda ishlarimiz u qadar yaxshi emas. Bizning etakchilardan ortda qolishimiz olti ochkoga etgan.
Biz juda og'ir taqvim ostida o'ynadik va hatto «Stok Siti»ga qarshi kechgan bahsda ham yaxshi o'ynagan holda mag'lubiyatga uchradik. Endi esa g'alaba qozonish lozim.
Oldinda oson o'yinlar kutib turibdi, demayman, ammo nima bo'lgan taqdirda ham «Manchester Yunayted»dek klub «Bernli», «Suonsi», «Vest Xem», «Sanderlend» va «Midlsbro»ni mag'lub etishi shart.
Kuchli beshlikdagi jamoalar esa o'zaro bahs olib boradilar va albatta ochko yo'qotishlari turgan gap. Shunday ekan, biz hali poygadamiz. Albatta avvalgi natijalardan ko'ngil buzildi, ammo bu kurash bolalar uchun emas. Biz erkak bo'lishimiz va kelgusi bahslarda bor kuch bilan o'ynashimiz lozim, - deydi Mourino.      
— deya xabar beradi uff.uz nashri.