«Barselona» klubi sobiq yarim himoyachisi Xavi Ernandes «Manchester Yunayted» bosh murabbiyiga Joze Mourinoga bor e'tiborni futbolga qaratishni va «Real»dagi ishlarini takrorlamaslikni maslahat berdi.
- Ba'zan Mourinoning ishlari u qadar yaxshi kechmayotgan vaqtda u futbol o'ynash o'rniga janjal qidirishga tushadi. «Real»da u bilan aynan shunday bo'lgan edi.
Umid qilamanki, Angliyada ham xuddi shunday holatning guvohi bo'lmaymiz, - deydi Xavi.
Eslatib o'tamiz, Joze Mourino 2010-2013 yillarda Madridning «Real» klubini boshqargan va bu vaqtda madridliklar va «Barselona» o'rtasida kelishmovchilik maydonda va maydon tashqarisida juda kuchli ko'rinish olgan edi.
— deya xabar beradi uff.uz nashri.