Madridning «Real» klubi sobiq darvozaboni Iker Kasilyas madridliklar sobiq bosh murabbiyi Joze Mourino va sobiq futbolchilari Xabi Alonso hamda Alvaro Arbeloa bilan munosabatlari yaxshi bo'lmaganini deyarli tan oldi.
Darvozabonga tvitter orqali mana shu uch inson orasidan qay biri bilan birga tushlik qilishi haqida savol berildi. Kasilyas bu savolga javob berishni istamagan va: «Sen bilan», deya qisqa javob qaytargan.
Eslatib o'tamiz, Joze Mourino 2010-2013 yillar oralig'ida «Real»ni boshqargan va bu vaqt oralig'ida «Barselona» bilan maydonda va maydondan tashqarida keskinlik juda ortib ketgan edi. Boz ustiga Iker Kasilyas Ispaniya terma jamoasi manfaatlaridan kelib chiqib, «Barselona» futbolchilari bilan munosabatni tiklashga uringani Mourinoning jahlini chiqargan. Alonso va Arbeloa o'z navbatida murabbiyni qo'llagan edilar.
— deya xabar beradi uff.uz nashri.