Turinning “Yuventus” klubi yarim himoyachisi Sami Xedira jamoadoshi Janluiji Buffonning “Oltin to'p-2016” mukofotiga ega chiqishini xohlamoqda.
Italiyalik darvozabon yanvarda 39 yoshga to'ladi va France Football jurnali versiyasi bo'yicha “Oltin to'p-2016” mukofotiga nomzod 30 nafar futbolchi qatoridan o'rin olgan.
“Bu ro'yxatga mukofotni qo'lga kiritishga haqli futbolchilar ko'p. Albatta, ular orasida Buffon ham bor. U asosiy da'vogarlardan sanaladi. Sababi Jiji 20 yoshli futbolchilardek harakat qilmoqda. Shuningdek, ular orasida Krishtianu Ronalduni ham qo'shish mumkin. Men u bilan 5 yil birga to'p surdim. Joriy yilda esa EChL va Evro-2016da zafar quchdi hamda ko'plab gollar kiritdi. U fantastik o'yinchi”, – deydi Xedira.
“Shuningdek, Neymar va Messi ham bor. Umuman ro'yxatda bunga munosib futbolchilar ko'p. Menga qolsa, Buffonga bergan bo'lar edim. Bu uning uchun so'nggi imkoniyat”.
— deya xabar beradi uff.uz nashri.